HEBREW 10
10
A Kimang Den Ding Khris’ Biehpiehna
1Thukham pen ang tung ding sil hoite’ hlim beh hi a, a tahtahte’ melpuoh mantah hi loin, kum khat zaw kum khat a kipie kiakia a kibang veve biehpiehnate ziehin tuami#10:1 Adang tang laibute ah “tuate” ci-in kigiel hi. in ama a nai mite picingsah zo ngai lo hi. 2Picingsah thei hi leh a bie mite khatvei beh tawh a kimang den dingin a kisienthosah zo lang kalsie, mawna ziehin kisuonna kici poma nei nawn lo ding ahi ziehun biehna pieh ding a khawl ta sih ding uh amah? 3Hinanle tami biehpiehnate a kipieh sielin a kum kumin mite’ mawna a kiphawsah kiakia ahi hi. 4Azieh pen bawngtang’ sisan le keel’ sisan in mawna a lakhie mang thei sih hi.
5Tua ahi ziehin leitungah Khris ang pei lai-in ama in,
“Biehpiehnate le silpiehte na deigaw sih a,
ahi vangin kei adingin pumpi khat nei bawlpieh zo hi;
6meihal biehnate le mawna silpiehte ah
nang na lungkim zo sih hi.
7Tua ciengin keima in,
(laiziel sungah keima’ thu a kigiel bangin)
‘Pasien, en in,
na deina bang bawl dingin
keima kang pei hi,
Pasien aw,’ ka ci hi,” a ci hi. #10:7 Gk ah a khietna kicien lo hi.#Late 40:6-8
8A tung lamah ama in, “Biehpiehnate, silpiehte a kipanin meihal biehnate le mawna zieha silpiehte na lunggul sih a, tuate-ah zong na lungkim tuon sih hi,” a ci ciengin, (tamte thukham dung zui-a kipie ahi a) 9tua ciengin ama in, “Na dei bang a sem dingin kang pei zo ta hi,” a cibe kia hi. Ama in a nina pen a kipsah thei nadingin a masa pen a phietmang hi. 10Pasien’ deina bangin a kimang den dingin Jesu Khris’ pumpi khatvei beh a kipiehna tungtawnin eite ei kisiensuo zo ahi ta hi.
11Tuaci’n siempu kici poma in a nasepna ah ni khat zaw ni khat adingin, mawnate a ladawh thei lo, a kibang biehpiehnate ma a pie ngitnget uhi.#Pei 29:38 12Ahi vangin Khris#10:12 Gk “tua mipa “ in mawna adingin a kimang den ding biehpiehna khat ngentang a pieh zaw ciengin Pasien’ zietlamah to a, 13khum huna kipanin ama in a galte a keng ngahna a suosah dongin a ngah hi.#Late 110:1 14Bangzieh ahei cile ama in a kisiengtho sahsa mite khatvei lien biehna tawh kumtawn adingin a bukimsah zo hi. 15Hlagau siengtho in zong eite tungah tami thu teci pang a,
16“Topa in tam bangin ci hi:
Tua nite zaw ciengin amate tawh thuciem ka bawl ding a,
a lungtang sung vuah ka thukhamte koi-in,
a lungsim sung vuah ka giel ding hi,” a ci zaw ciengin,#Jer 31:33
17ama in zong,
“Keima in a mawnate ule
thukham palsat-a a gamtatnate uh
ka phawh nawn sih ding hi,” ci-in genbe lai hi.#Jer 31:34
18Tamte a kimaisahna munah mawna hanga biehnate om nawn lo hi.
Thuoh Kenkon nadinga Cielna
19Tua ahi ziehin ka lawmte#10:19 Gk “Tua ahi ziehin sanggamte aw “ aw, eite in Jesu’ sisan ziehin mun siengtho lut nading kimuonna i nei lang kalsie, 20tua puonkhai tungtawnin (ama’ tahsa tungtawnin a ci na ahi hi) eite adingin hinna lampi tha ei honpieh a, 21eite in zong Pasien innkuon tungah a vaihawm siempu lien khat i nei ziehin, 22sielepha i theina uh lungsim dih lo panin i lungtangte tui tawh thesiengsa le i pumpite tui siengtho tawh sawpsiengsa-in, a kicien upna bukim le lungsim mantah tawh ama kung zuon ciet vai.#Siem 8:30; Ezk 36:25 23Ei kamciem pa pen muonhuoi ahi ziehin lungkaa loin i lametna uh i pulahna thu tudet vai. 24Eite khatlekhat itna le gamtat hoina lamah i kithanopsuo thei nadingin ngaisun ciet vai. 25Mi pawlkhatte kingainase bang hi loin kikhop ding thu nelsie sih vai. Topa’ Ni ang naina thu na thei ma bangun note khatlekhat na kihanthawn un.
26Bangzieh ahei cile thuman thutah thei-in i san zaw ciengin thei giagua pi ma-in mawna i bawl leh tua mawnate mai thei nading biehpiehna om nawn lo a, 27ahi vangin a zauhuoi thukhenna le a langpangte a katum ding thangpaina meikuong beh omlai hi.#Isa 26:11 28Mosies thukham a palsat mi poma teci ni ahi sihle thum a op nah leh hepina om loin a si hi.#Thkna 17:6; 19:15 29Tua ahile Pasien’ Tapa simmaw bawlin, amate a siengthosah kiciemna sisan buasahin, hepina Hlagau a lungthahsah mite in bangza taha a nasie zaw gimna dan a thuoh dingin kilawm na sa uh ahei?#Pei 24:8 30Bangzieh ahei cile eite in, “Phulahna keima-a’ ahi a, keima in ka thuhkia ding hi,” a ci pa le, “Topa in a mite tungah thu a khen ding hi,” a ci pa i thei uhi.#Thkna 32:35-36 31A hingzing Pasien khut sunga i pua khah ding uh zauhuoi mama hi.
32Ahi vangin note in khuovah na nga zaw ciengun gentheina thuohin hamsa taha buoina na thuoh lai hun luite phawh kia unlen, 33khat veivei mipi mai-ah zakona le hamsatna thuohin, khat veivei lah tua banga a kibawlsie mite na thuohpi uhi. 34Azieh pen note in thongkie mite na khuotuo vua, a hoizaw le a kipzaw neisa khat nei na hi lam uh na kithei ziehun, na neisate uh ang kilahpieh zongun lungdam tahin na sang uhi. 35Tua ahi ziehin thaman lienpi ang ngasah ding na lungmuonna uh nuasie sih un. 36Azieh pen note in Pasien’ deina semin ang kikamciemsa thu na nga thei nadingun thuohzawhna na kisam uhi.
37Azieh pen,” Bakhat sunga
ang pei ding pa ang tung ding a,
ang kiheh nawn sih ding hi;
38hinanle ka midih in upna tawh nungta ding hi.
A kinuale poma tungah ka lungkim lo ding hi,” a ci hi.#Hab 2:3-4
39Ahi vangin eite i hi ule nuatolin a kisie mite lahah i kihal sih vua, upna nei-in gupna a ngasa mite lahah i kihal zaw uhi.
Currently Selected:
HEBREW 10: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
