HEBREW 6
6
Pua Ding A Zauhuoina
1Tua ahi ziehin Khris thu a kipat cilna thuhilna lelte nuasie vai-in, picinna#6:1 Ahi sihle “picinna lam “ lam manaw vai. Pasien upna lam le a sisa nasepnate panin kisiakiana lamah bulkip phut nawn loin, 2baptize-na tawh kisai thuhilna, khut ngahna, misite thawkiana le kumtawn thukhennate bulpat kiakia nawn sih vai. 3Pasien in pha a sah leh tami i bawl#6:3 Adang tang laibute ah “eite in bawl vai” ci-in kigiel hi. ding uhi. 4Khatvei khuovah in tanvahin vantung letsong a ciem ngaisa, Hlagau Siengtho sungah satanh nga zo a, 5ang tung ding khanghun vanglietnate le Pasien’ thu hoina a ciemsa mite 6a pua uleh, amate nopthu tawh Pasien’ tapa khailia kia-in simmaw thuoh dinga a pholah uh ahi ziehin amate adingin kisiakia-in a kipuophat ding uh pieng thei nawn lo hi. 7A tunga a kie guotuite hupin angkung posah a, a hlote a phatuomsah leitang in Pasien tung panin thupha a sang hi. 8Ahi vangin tua leitang in ling le khau a posah leh kimanna nei lo ahi a, samsiet thuoh bai ding ahi hi; a tawpna ah kihaltum ding hi.#Pien 3:17-18
9Kang itte aw, tam banga thu i gen vangin, no tawh a kisai hutdamna tawh kizomin sil hoizawte nomau-a’ ahi hi, ci-in ka lung a muong hi. 10Bangzieh ahei cile Pasien a thutang lo ahi sih hi; ama in na nasepna uh, ama hang tawh#6:10 Gk “ama’ min hang tawh “ misiengthote na vana ule na va lai dingte uh tungah itna na lahnate uh ang kitheimaw bawl sih ding hi. 11Lametna bukim ang tun nadingin note khat ciet in a tawp tanpha-in tua banga hanciemna na lah ciet ding uh kang deisah hi. 12Tuaci’n note pen mi thasiete suoh loin, upna le lungduoina tungtawnin kamciem a luote in a ette mite na suo zawh ding uh kang deisah hi.
A kicien Pasien’ Kamciem
13Pasien in Abraham tungah kamciem a pieh lai-in, ama sanga a lienzaw kiciem nading koima om lo ahi ziehin ama le ama kiciem a, 14“Thupha kang pie tahtah ding a, kang pungsah ding hi,” ci hi.#Pien 22:16-17 15Tua bangin Abraham#6:15 Gk “ama “ in lungduoi tahin a thuoh zaw ciengin tua kamciem nga hi. 16Amate sanga a lienzaw mi khat’ min tawh mihingte a kiciem vua, tua kiciemna in thu kigen pen kipsahin kithutuna zosie a vengsah hi. 17Tua ma bangin Pasien in a kamciem a luote tungah a kikhel ngai lo ama’ tupna thute a kicien zaw lai dingin a lah nuom ciengin, ama in kiciemna khat tawh a kipsah hi. 18Tuaci’n a kikhel thei lo thu nite tungtawnin Pasien in zuouthu a gen ding pen pieng thei lo a, tua pen ama a beel eite in i mai-a kikoi lametna i tuhkip nadingin nahpi tahin i kihanthot thei nading uh ahi hi. 19Eite in hlagau ading a kicien le a kip tembaw khina siakawi ahi tami upna i nei vua, tua upna in puondal nualam mun siengtho sungah a lut hi.#Siem 16:2 20Tua munah eite tangin lamsiel pa Jesu na lut zo a, Melchizedek’ gui zui-in tawntung siempu lien a suoh zo hi.#Late 110:4
Currently Selected:
HEBREW 6: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
