HEBREW 5
5
1Mihingte lah panin a kiteel siempu lien poma pen amate tangin Pasien tawh a kisai silte tungah vaipuo ding le, letsongte le mawna zieha biehpiehnate pie ding ahi uhi. 2Amama in thanemna na thuoh ngai zo ahi ziehin thu thei lote le a lungkhau mite lungnem tahin kem thei hi; 3tam thu ziehin ama in ama’ mawnate ading beh hi loin, mipite’ mawna ziehin zong biehpiehna a pieh ding kul hi.#Siem 9:7 4Koima in tua patawina ama thu-in nga thei lo a, Pasien in Aaron a hlat bang tehteha a hlat mite beh in nga thei hi.#Pei 28:1
5Tuaci’n siempu lien pa a suo thei nadingin Khris ama le ama a kipatawi sih a, ahi vangin ama kungah,
“Nang ka Tapa na hi hi,
tuni-in nang kang piengsah zo hi,”
a ci pa in a sesa ahi zaw hi.#Late 2:7
6Mundang khatah zong ama in,
“Melchizedek’ gui zui-in
tawntung siempu na hi ta hi,” a ci hi.#Late 110:4
7Cilesa tawh ama a op hun lai-in Jesu#5:7 Gk “ama “ in sina panin a hunkhie thei pa tungah hlitui tawh thungetnate le thumnate nei-in nahpi-in kiko a, tuaci’n zatahna tawh ama’ ki-apnate Pasien in a za hi.#Mat 26:36-46; Mrk 14:32-42; Luk 22:39-46 8Ama Tapa khat ahi vangin a thuohna tungtawnin thumanna a sin hi; 9bukim tahin a kibawl zaw ciengin ama’ thu a mang mi zosie adingin kumtawn hutdamna’ nah suoh a, 10Melchizedek’ gui zui-in Pasien in siempu lien dingin a se zo hi.
Pua Lo nading Hilkholna
11Tami#5:11 Ahi sihle “Ama “ thu tawh kisai gen ding tampi i nei a, ahi vangin thu tel zo paipai lo na hi ziehun teltahin gen ding a hamsa hi. 12Bangzieh ahei cile note tam bang hunah sie na suo ding uh hun ta napi Pasien thutah bulpite ang hil ding mi khat na kisam uhi. Antah hi nai loin nawizu na kisam uhi; 13bangzieh ahei cile nawizu a hinpi na lai poma nausen hi lai ahi ziehin dihna thu a theisiem thei sih uhi.#1Cor 3:2 14Hizongle antah i ci pen sielepha khen nadingin a ngaisutnate uh zangin a kisinsa mi picingte ading ahi hi.
Currently Selected:
HEBREW 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
