HEBREW 4
4
Pasien’ Kamciem Tawlngahna
1Tua ahi tah ziehin ama’ tawlngahna sungah lut thei nading kamciem kihong lai ahi ziehin koima tua mun a tung zo lo na suo khah lo nadingun kidawm vai. 2Bangzieh ahei cile amate kunga lungdamna thu a tun bang lienin, eite kungah zong ang tung zo ta hi; hinanle tua thu a za mite in upna tawh kop lo ahi ziehin a zahsa uh thu in amate a phatuomsah sih hi. 3Azieh pen ei a um mite i hi leh tua tawlngahna munah i lut vua, leitung a kiphu cila kipanin a silbawlte a man siengsa hi napi Pasien in,
‘Ka tawlngahna-ah amate
a lut sih ding uhi,’ a ci ma bangin,
“Ka lungthah a, ka kiciem zo hi,” a ci hi.#Late 95:11
4Azieh pen ni sagina thu tawh kisai-in mun khatah tam bangin gen a, “A ni sagi ni-in a nasepna zosie panin Pasien tawlnga hi,” a ci hi.#Pien 2:2 5Tami mun ma-ah, “Ka tawlngahna ah amate a lut sih ding uhi,” cikia hi.#Late 95:11 6Tua ahi ziehin tua mun a lut ding mi pawlkhat om lai a, thuman lona hang tawh lungdamna thuhoi a za masate lut thei lo a, 7ama in,
“Tuni-in ama’ aw na zah uleh
na lungsim uh khausah sih un,”
ci-in a kigen bangin tua zaw a sawtpi ciengin David tungtawnin ama in, “tuni” a kici nidang khat a sekia hi.#Late 95:7-8
8Azieh pen Joshua in amate tawlngahna a na pie zo hi leh Pasien in nidang khat thu a na nuagen nawn sih ding hi.#Thkna 31:7; Josh 22:4 9Tua ahi ziehin Pasien mite adingin sabbath tawlngahna khat a omlai hi. 10Azieh pen a nasepna panin Pasien a tawlngah bangin Pasien’ tawlngahna sunga a lut mite zong a nasepna panun a tawlnga ciet uhi.#Pien 2:2
11Tua ahi ziehin tua banga amau’ thumanlona ziehin koima pua loin tua tawlngahna mun i lut thei nadingin i hi theina za tawh hanciem ciet vai.
12Pasien’ thu nungta-in na sem thei a, a langni tuoha a hiem namsau sangin hiemzaw a, hlagau le lungsim, guletang kituonate le cintuigu dong phalsuo-in sun pailet thei hi; tua in lungtang’ ngaisutnate le tupnate zong theicien thei hi. 13A mai-ah a kiselcip thei a kipiengsah na khat beh a om sih a, i thu tut nading pa mitmu ah na zosie a lie a dal om loin kilang sinsen hi.
Siempu Lienpen Pa Jesu
14Tua ahi ciengin eite in vantungte kalin a pei pa, a lien siempu lien pa Pasien’ tapa Jesu i nei lang kalsie i pulah uh tua upna kiptahin tu ciet vai. 15Bangzieh ahei cile i thanemnate-ah ei lainat thei lo siempu lien pa a nei i hi sih vua, tuale mahin eite ma bangin ze-etna namcin na thuoh ngai napi mawna a nei lo siempu lien khat a nei i hi uhi. 16Tua ahi ziehin eite in i kisap huna ei panpi dingin khuotuona nga-in hepina i mu thei nadingin hangsan tahin hepina topha nai ciet vai.
Currently Selected:
HEBREW 4: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
