HEBREW 11
11
Upna a Khietna
1Tu-in upna i ci in i lametnate-ah lungmuonna hi a, i mu nai lo thute theicien na ahi hi. 2A tahtahin upna ziehin i pu i pate in patahna a na nga uhi. 3Eite in i mu thei nate pen i mu thei lo nate pana kibawl hi lo a, Pasien’ kammal tawh leitungte a kisiem ahi hi, ci thu upna tawh i theithei hi.#Pien 1:1; Late 33:6, 9; Jhn 1:3
Ette ding Abel, Enoch, le Noah
4Upna ziehin Abel in Pasien kungah Cain-a’ sangin a sanhuoi zaw#11:4 Gk “a hoizaw” biehpiehna a pie hi. Tam#11:4 Gk “tua tungtawnin “ tungtawnin ama midih ahi hi, ci patatna nga a, Pasien mama in ama’ silpiehte a thukimpi hi; ama a si zo vangin ama’ upna tungtawnin thu ei gengen lai hi.#Pien 4:3-10 5Enoch in sina a thuoh lo nadingin upna tawh ama kilato hi; tuale, “Pasien in ama lato zo ahi ziehin ama a kimu nawn sih hi. Ama a kilahto masangin, “Ama in Pasien lungkimsah zo hi, ci-in teci kipang hi.#Pien 5:21-24 6Upna lo tawh Pasien kilungkimsah zo lo hi, azieh pen Pasien a nai poma in ama om tahpi hi, ci thu le ama a suite thaman pie hi, ci thu pen a up ding ahi hi. 7Upna ziehin a kimu nai lo thupiengte tawh Noah in Pasien’ thuhilna na mang a, a innkuonpite a hotkhiet thei nadingin tembawpi khat na bawl hi; tuami tawh ama in leitung mawsah a, tuale upna dung zui-a kinga dihna’ gou luopa a suoh hi.#Pien 6:13-22
Abraham’ Upna
8Upna tawh a gouluo nga nadinga a kiciemna mun pei dingin Abraham a kihlat lai-in, a pei nading mun nangawn thei lo napi, thumangin upna tawh a pei hi.#Pien 12:1-5 9A kikamciemna gamah upna tawh bakhat sung teng a, ama tawh kibanga kamciem a luopi ding Isaac le Jacob-te tawh pemta bangin gamdang puonbuh sungah a teng hi.#Pien 35:27 10Bangzieh ahei cile ama in a gelpa le a lampa Pasien ahi bulkip nei khuopi a lamen hi. 11Ama vuoi mama tale upna tawh nau nei theina thu nga hi, Sarah mama zong a ciing hi tama le upna tawh kamciem a pie pa muonhuoi sa ahi ziehin nau nei theina thu nga hi.#Pien 18:11-14; 21:2 12Tua ahi ziehin a si tawh a kibang mi khat panin vana aasi za-a a tam, simzawh lo-a a tam tuipi pieu-a senel bangin suonlehlahte a pieng hi.#Pien 15:5; 22:17; 32:12
13Tam mite zosie in a kikamciemsa gam nga lo-in, upna sungah a na si vua, hizongle a gamlapi panin amate galmu-in a na hopi uhi. Leitungah gamdang mi le peemta ahi lam uh a kithei uhi,#Pien 23:4; 1Khg 29:15; Late 39:12 14azieh pen tua banga thu gen mite in a ten nading uh gam khat sui ahi lam uh a kilangsah uhi. 15A nuasiesa uh gam a ngaisun kia uh hi leh a kilekia nading uh hun lemtang nei zo tham ding uhi. 16Hinanle amate in a hoizaw gam ahi tua vantung gam a na lunggul uhi. Tua ahi ziehin Pasien in amau’ Pasien a kici ding a na maizumpi vawt sih hi; a tahtahin ama in amate adingin khuopi khat bawl kholpieh zo hi.
17Ze-etna a thuoh ciengin Abraham in upna tawh Isaac a pie hi. Kamciem a nga pa in a tapa neisun pie dingin kithawi a,#Pien 22:1-14 18ama tung ma-ah, “Isaac tungtawnin nang adingin na suonlehlahte’ min kivaw ding hi,” ci-in kigen zo hi.#Pien 21:12 19Pasien in misite lah pan nangawnin mi khatpo thokiasah thei hi, ci-in ama in ngaisun a, tekahna-in gen leih ama in Isaac a ngakia hi. 20Upna ziehin Isaac in mailam hun adingin Jacob le Esau tungah thupha pie hi.#Pien 27:27-29, 39-40 21Upna ziehin Jacob in a si kuonin Joseph’ tate tungah thupha pie a, a ciengkhut dawnah kunin a na bie hi.#Pien 47:31–48:20 22Joseph in upna tawh a si kuonin Egypt gam panin Israel-te peikhiet ding thu na gen a, ama in ama’ kivui#11:22 Gk “ama’ gute “ ding thu zong na vaihlah hi.#Pien 50:24-25; Pei 13:19
Moses’ Upna
23Upna ziehin a nu le a pate in Moses hla thum sung phuol uhi. Bangzieh ahei cile amate in tua nausen a mel hoi lam a mu vua, kumpipa’ thupiehna giing loin upna tawh hla thum sung a phuol uhi.#Pei 2:2; 1:22 24Moses a gol ciengin Pharoah tanu’ tapa a kici ding nuom loin,#Pei 2:10-12 25mawna sungah bakhat sung nopsah ding sangin Pasien’ mite tawh bawlsietna thuohton ding a teelzaw hi. 26Ama in mailam huna ama’ thaman ding mituhin a nei ziehin ama in Egypt’ neilelam teng sangin Khris#11:26 Ahi sihle “Messiah “ adingin simmaw zako a thuohna pen a thupi zaw-in ngaisun hi. 27Ama in upna hang tawh kumpipa’ lungthah ding giing loin, Egypt gam na nuasie hi; azieh pen mu thei lo pa a mu bang danin ama in a thuoh kenkon hi.#Pei 2:10-12 28Ta masa a susie pa in Israel-te’ tapa ta pen a suhkhah lo nadingin#11:28 Gk “amate a suhkhah lo nadingin “ ama in upna tawh Peisan Pawi bawlin sisan a the hi.#Pei 12:21-30
Adang Israel Galhangte’ Upna
29Mite in upna tawh leigaw tunga lampei bangin San Tuipi a kantan uhi, ahi vangin Egypt-te in tua bang a bawl sawm ciengun tui in amate a taimang sieng hi.#Pei 14:21-31 30Amate in ni sagi sung upna tawh a kimvel zaw uh ciengin Jericho kulpi cimmang hi.#Josh 6:12-21 31Numei pahtat nu Rahab in upna tawh thukante hoi tahin zin a na do ziehin, thumang lo mite#11:31 Ahi sihle “thu um lo mite “ tawh ama kisieton lo hi.#Josh 6:22-25; 2:1-21
32Tua ahile bang i genbe lai ding vuoi? Azieh pen Gideon, Barak, Samson, Zephthah, David, Samuel-te a kipanin kamsangte tungtang thu gen nading hun kicing lo hi.#Thkn 6:11–8:32; 4:6–5:31; 13:2–16:31; 11:1–12:7; 1Sam 16:1–1Kum 2:11; 1Sam 1:1–25:1 33Upna tungtawnin amate in kumpi gamte na zo gawpin, thutang tawh gam a na uh vua, kamciemte nga-in humpinelkai’ kam na hucip uhi.#Dan 6:1-27 34Meikuongpi mit sahin, namsau’ ma panin na suohta vua, thanemna panin thakhauna nga kia-in, galdona-ah vang a na nei vua, gamdang galkapte a na delmang uhi.#Dan 3:1-30 35Nupite in thawkiana tawh a misite a ngakia uhi. Adangte in a hoizaw thawkiana a nga thei nadingun a kihla ding nuom loin bawlsietna a thuoh uhi.#1Kum 17:17-24; 2Kum 4:25-37 36Adangte in ahile simmawna le satna a thuoh vua, siakhau tawh kikhi-in thongkiehna nangawn a thuoh uhi.#1Kum 22:26-27; 2Khg 18:25-26; Jer 20:2; 37:15; 38:6 37Suong tawh amate kisepin, sing-at tawh kituntan a,#11:37 Adang tang laibute ah “amate kize-et hi” ci kibelap hi. namsau tawh kithat hi; amate in tuuvun po le keelvun po silin, bangma nei loin a na vahvai vua, bawlsietna le khelbawlna na thuoh uhi.#2Khg 24:21 38Amate adingin leitung a kilawm nawn sih a, senel gam muoltung lah, leihawm lah le suonghawm sung lah po-ah a vah kawikawi uhi.
39Tam mite zosie in a upna ziehun phatna a na nga vangun a kikamciemsa thute a nga tuom sih uhi. 40Pasien in eite adingin a hoizaw na khat ei pie zo ahi ciengin eite lo tawh amate a bukim thei tuon sih uhi.
Currently Selected:
HEBREW 11: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
