HAGGAI 1
1
Biehinnpi Lam ding Thupiehna
1Kumpi Darius in kumpi a sep kum ni a cin kum, a hla guhna, a ni masa ni-in kamsang Haggai tungtawnin Judah gam uhpa, Shealtiel’ tapa Zerubbabel le siempu lien pa Jehozadak’ tapa Joshua kungah Topa’ thu tam bangin a tung hi:#Ezr 4:24–5:2; 6:14 2Vanglien Topa in tam bangin ci hi: Tam mite in Topa’ inn lamkia ding hun nai lo hi, a ci uhi. 3Tua ciengin kamsang Haggai tungah Topa’ thu tungin tam bangin a gen hi: 4Tam innpi kisie gawpin a op laitahin inn hoipipi sungah na ten ding hun ma uh amah? 5Tua ziehin tu-in Vanglien Topa in tam bangin ci hi: Na opdan uh kingaisun un. 6Khaici tampi na tu vua, an tawmno khat beh na la uhi; an na neh vangun na gil uh a va ngai sih hi; na dawn vangun na khamin na dawn ngai sih uhi; puonsil ding na nei vangun koima in lum na sa sih uhi; tuale sum thalaw pa in sum-ip tawvang khat sungah a koi dinga a thalaw ahi lel bo hi.
7Vanglien Topa in tam bangin ci hi: Na opdan uh kingaisun pha un. 8Tua sungah keima nuomtahin tengin ei kipatawi thei nadingin muol tungah kato-in sing va sui ta unlen, inn lam un, Topa in ci hi. 9Note in tampitah na lamet vangun halno khat beh a pha hi; tuale innah tuate na tut uh ciengin kang semmang pieh ding hi. Vanglien Topa in bang ding in lah? ci hi. Keima’ inn a kisiet gawp ziehin na inn ciet uh na nawdel uhi. 10Tua ahi ziehin note tunga vantungte in daitui kangsah a, leitang in ga gasah lo hi. 11Keima in gam le muolte tung, ankung tung, lenggazu tha tung, sathau tung, leitang pana a piengte tung, mihing ganhing le amau’ nasepna zosie tungah guotui ka kangsah zo hi.
12Tua ciengin Sheatiel’ tapa Zerubbabel le siempu lien pa Jehozadak’ tapa Joshua in mi a omlai teng zosie tawh Topa a Pasien uh’ thugente le Topa a Pasien uh’ sawl ahi kamsang Haggai’ thugente a mang uhi; tuale mipite in Topa a giing uhi. 13Tua ciengin Topa’ kamtai Haggai in mite tungah Topa’ thugente gen a, note kang ompi hi, Topa in ci hi, ci-in a gen hi. 14Topa in Sheatiel’ tapa Zerubbabel’ lungsim, Judah gam uhpa’ lungsim, siempu lien pa Jehozadak’ tapa Joshua’ lungsim le mi a omlai teng’ lungsim a thosah hi; tuale amate pei-in Vanglien Topa a Pasien uh’ inn ah na a sem uhi. 15Khum ni pen Kumpi Darius in kumpi a sep zaw a kum nina kum, a hla guhna a ni sawmni le ni li ni ahi hi.
Currently Selected:
HAGGAI 1: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
