ZEPHANIAH 3
3
Jerusalem’ Gitlona
1Mi a niehsah, a kidahhuoi,
mi a bawlsie khuopi in gimna a thuoh ding hi!
2Tua khuopi in koima aw a ngai sih hi;
thuhilna zong a sang sih hi.
Ama in Topa muong loin,
a Pasien kung a nai sih hi.
3A sunga uliente ahile
a hawh vapuoh humpite ahi vua,
a thukhente ahi ule zingmawng donga
bangma hen a nei lo, a zanva ngiete ahi uhi.
4A kamsangte uzong
ngaisutna le upna nei lote ahi uhi;
a siempute in a siengtho nate buasahin,
thukham tungah a tatsie uhi.
5Tua khuopi sungah Topa a dih hi;
ama in khielna kici a bawl sih hi.
Zingmawng sielin a thukhen nasep sem a,
phalvah sielin a sem valon hi;
ahi vangin mi thuman lote in
maizum zie a thei sih uhi.
6Keima in minamte ka sumang zo a,
a galpanna munte uh kisie sieng zo hi;
a sungah koima a pei thei lo nadingin,
a khuolai lampite uh ka susie zo hi;
a khuopite vuah a teng ding mi om lo a,
a hawmkieu-in kikoi hi.
7Keima in, “Tua khuopi#3:7 Heb “tua” in
ei giing valon ding a,
tua khuopi in thuhilna
a mang ding hi;
a tunga ka tunsah na zosie
a mangngil#3:7 Gk, Syr: Heb ah “a tenna mun kisusie lo ding hi” sih ding hi,” ka ci hi.
Ahi vangin a sepna zosie vuah
a sie lam sep ding thalawp zaw uhi.
Minamte Danpiehna le Kikhelna
(Pien 11:1-9; Sawl 2:1-11)
8Tua ziehin teci-a ka din ni dongin
keima ei ngah in, Topa in ci hi,
azieh pen amate tungah
ka thangpaina le ka sinsona zosie,
ka sunsuh thei nadingin,
minamte kaikhawmin
kumpi gamte ka khoptuo ding pen
keima’ thu khensat ahi hi.
Azieh pen ka lungthahna meikuong sungah
leitung zosie katum ding hi.
9Tuami hun ciengin amate zosie in Topa’ min loin,
lung kihuol a ama’ na a sep thei nadingun,
keima in minamte’ kamham,
ham siengtho tawh ka khelpieh ding hi.
10Keima kunga thu a ngente,
a kithethang ka mite in
Ethiopia#3:10 Ahi sihle “Nubia; Heb ah “Cush” gungal panin
ka biehna ang puoh ding uhi.
11Khumi ni ciengin nei ledona na sepna zosie ziehin
kang maizumsah sih ding hi;
bang ding ahei cile tua ciengin
kiphatsahna nuom a sa mite,
na kung panin ka hemkhie ding a,
ka muol siengtho tungah
na kiliensah nawn sih ding hi.
12Bangzieh ahei cile na laikimah
mi nunnem le mi neilutte ka nuasie ding hi.
Amate in Topa’ min tawh
kibuhna a sui ding uhi.
13Israel a omlai teng in
khielna bawl nawn loin,
zuouthu a gen nawn sih ding vua,
a kam sung vuah zuouthu a gen lei
a kimu nawn sih ding hi.
Tua ciengin an ne-in a lum hit hiet ding vua,
koima in amate a zausah nawn sih ding hi.#Kln 14:5
Lungnopna La
14Zion tanu aw, nahpi tahin la sa in;
Israel aw, awng vapo in!
Jerusalem tanu aw, na lungsim neiza tawh
lungdamin kipah in!
15 Topa in na tunga thukhennate lamang zo a,
na galte a nawmang zo hi.
Na laizangah Israel kumpi Topa a om hi;
nang in gimna na giing nawn sih ding hi.
16Khum ni ciengin
Jerusalem kungah tam bang kici ding hi:
Zion aw, zau sin;
na khut thazawsah sin.
17 Topa na Pasien, na laizangah a om hi,
ama galhang pa ahi a,
guolzawna ang pie ding hi;
na tungah ama kipahin lungdam ding a,
ama’ itna sungah nang#3:17 Gk, Syr: Heb ah “”ama sip dide ding hi” ang siemtha ding hi.
18Pawi#3:18 Gk Syr: Heb ah a khietna kicien lo hi. bawl ni bangin nahpitah lasahna tawh,
nangma tungah ama a lungdam ding hi.
Ama ziehin maw na puoh lo nadingin,
na#3:18 Cn: Heb “Nangma kung pan ka ladawh ding hi; tuate in” kung panin gimna ka ladawh ding hi.
19Khum hun ciengin
ang bawlsiete zosie dan ka pie ding hi.
Khelbaite hundamin,
a kipampaite ka khawm ding a,
a maizumna uh phatna tawh khelpiehin,
leitung muncin tengah minthang ding uhi.
20Khum huna kang khop ciengin,
inn ah kang peipi ding hi;
azieh pen a ngai bangin nangma muna-ah
hamphatnate kang piehkia ciengin,
keima in leitung mi zosie lahah
na min ka thangsah ding a,
mite in kang patawisah ding hi,
Topa in ci hi.
Currently Selected:
ZEPHANIAH 3: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
