HAGGAI 2

Mailam Biehinnpi’ Minthanna

Kumpi Darius a kumpi sep a kum nina, 1a hla sagina, a ni sawmni le khat ni-in Haggai tungtawnin Topa’ thu tam bangin tung a: 2Judah gam a uhpa Shealtiel’ tapa Zerubbabel le siempu lien pa Jehozadak’ tapa Joshua, le mi a omlai teng tu-in hopi in. Note lahah 3nidang lai-a tam biehinnpi a minthanna a mu kha ngai koi teng na omlai vuoi mah? Tu-in tami bangci na sa vuoi? Na muna vuah bangma lo bang ta hi lo amah?#Ezr 3:12 4Hizongle Jerubbabel aw, tu-in kihangsah in, Topa in ci hi; siempu lien pa Jehozadak’ tapa Joshua aw, hangsan in; no gamsung mipi zosie aw, kihangsah un, Topa in ci hi; note kang ompi ziehin na sem un, Vanglien Topa in ci hi. 5Egypt gam panin nang pei lai-un note kang thuciem dung zui-in note lahah ka hlagau a teng hi; zau sih un.#Pei 29:45-46 6Azieh pen Vanglien Topa in tam bangin ci hi: Keima in a sawt loin vanpi leipi, tuipi, le leigawte ka lawhthing kia ding hi.#Heb 12:26 7Minam zosie’ gou teng ang tun thei nadingin keima in minam zosie ka lawhthing ding a, minthanna tawh tami biehinn a kidim ding hi, Vanglien Topa in ci hi. 8Ngun le kham keima-a’ ahi hi, Vanglien Topa in ci hi. 9A kilam nukhia inn pen a kilam masa sangin thupizaw ding hi, Vanglien Topa in ci hi; keima tami munah note cithei nopsahna kang pie ding hi, Vanglien Topa in ci hi.

Phawsietna le Kamciem

10Kumpi Darius a kumpi sep a kum nina, a hla sagi na, a ni sawmni le khat ni-in kamsang Haggai tung panin Topa’ thu tung a: 11Vanglien Topa in tam bangin ci hi: 12Mi khat in a puon kihlip kawmah sa siengtho puo hinlen, tua puon kihlip tawh anlum khat popo ahi a, zu ahi a, a kihuon an khat popo ahi zongin a thamkhah leh, tua khu an siengtho suoh thei ding amah? Siempupa in, “An siengtho suoh thei lo ding hi,” ci-in a dawng hi. 13Tua ciengin Haggai in, “Misi luong khat a suhkhah ziehin a sieng lo mi khat in tamte khat popo a suhkhah leh, tua a suhkhahte a bua a suoh diei mah?” a ci hi.#Gam 19:11-22 14Haggai in, keima mai-ah tam minam le tam gam tua tawh kibang hi, Topa in ci hi; tuale a khut utawh a sep zosie uzong tua bang hi ding hi; tua sunga a piehte uh a bua hi ding hi. 15Ahi vangin tami ni-a kipanin bang ang tung diei, ci tu-in ngaisun un. Topa’ biehinnpi sungah suong khat tungah suong khat a kikoi masangin, 16na omdan kingaisun un.#2:16 Gk: Heb “azieh pen amate” An tena sawmni a opna munah mi khat a pei ciengin tena sawmkhat beh a na pha hi; lenggazu tena beelpi sawmnga a opna ah mi khat a pei ciengin tena sawmni beh a na pha hi. 17Huisapi, maaibuoh natna, le gielpi tawh note kang vatmai vangin keima lamah note nang kihei sih uhi, Topa in ci hi. 18A hla kuona, a ni sawmni le lini ahi, tuni-a kipanin ngaisun un. Khum ni khu Topa’ biehinn khuombul a kiphu ni ahi ziehin ngaisun un: 19Ansal sungah anci a kinuasie lai ei mah? Lenggui, theikung, mang kawlsing, le olive kungte khat beh a ga nai sih amah? Keima in tu ni-a kipanin note thupha kang pie ding hi.

Zerubbabel tunga Pasien’ Kamciem

20Tuami hla ni sawmni le ni li ni-in Haggai tungah tam bangin Topa’ thu a niveina a tung hi: 21Judah gam uhpa Zerubbabel hopi-inlen ama kungah gen in, keima in vanpi le leipi thingkhe-in, 22kumpi gamte’ mang tophate ka khuleh ding a, namcin kumpi gamte’ hatna susie-in a sakol leengte le a hawlte ka khuleh ding hi; sakolte le a hawlte koipo a guolpa’ namsau tawh a si ding uhi. 23Khumi ni-in Vanglien Topa in a cina-ah, ka nasempa Shealtiel’ tapa Zerubbabel aw, nangma kang la ding hi, Topa in ci hi. Tuale seal tupna khutsip bangin kang bawl ding hi; azieh pen keima in nangma kang teel zo hi, Vanglien Topa in ci hi.

Currently Selected:

HAGGAI 2: ZBOTF01

Highlight

Copy