EZEKIEL 47
47
Biehinnpi Pana Luong Tui
1Tua ciengin ama in biehinnpi lutna ah ei peipi hi; khum munah biehinnpi kotpi sangkil nei panin nisuona lam manaw-in tui a luong hi (biehinnpi pen nisuona lam a kingat zieh ahi hi); tuale maitam leitaw lam, biehinnpi kotpi sangkil leitaw lam tawpna a nei panin tua tui luongsuh hi.#Zech 14:8; Jhn 7:38; Kln 22:1 2Tua ciengin leilu lam tunkot tawnin ei peipi a, a pulam kimvel tengah ei pui-in, nisuona#47:2 Heb ah a khietna kicien lo hi. lam a kinga tunkot pulam dong ei vapi kawikawi hi; tuale leitaw lam panin tui ang luong hi.
3Tua pa in a khuta a tawi khau khat tawh nisuona lam manaw-in pei a, tong tulkhat dong te-in, tua ciengin tui ei tansah hi; tuami tui pen sietmit ciengah a gei hi. 4Ama in tong tulkhat ma te leuleu a, tui ei tanpi hi; tua tui khup ciengah a gei hi. Ama in tong tulkhat te be leuleu a, tui eitanpi hi; tua tui kawng ciengah a gei hi. 5Ama in tong tulkhat te be leuleu a, tuale tua tui pen gunpi khat na hi a, tua tui a khan ziehin ka galkai zo ta sih hi; tua gun a thuh sengin ngap zawh ding le galkai zawh ding gun ahi sih hi. 6Ama in ka kungah, “Mihing aw, tam na mu zo tai mah?” ei ci hi.
Tua ciengin ama in gun pangah ei peipikia hi. 7Ka peikia ciengin gun pang tuoha a po singkung gol tampitah ka mu hi. 8Ama in keima kungah, “Tam tui pen nisuona gam lam manaw-in luong a, Arabah gamah a lutsuh hi; a vei den tuipi sungah ang lutsuh ciengin tua tui ang cim ding hi. 9Tua gun luonna mun poma-ah#47:9 Gk Syr Vg Tg: Heb “gun ni a luonna “ ganhing namcin a teng ding vua, tuale khum munah tami tuite ang tun ciengin nga tampi a om ding hi. Tua pen tuicim a suoh ding hi; tua gun a luonna popo-ah ganhing vannuoi a hing ding uhi. 10Tuipi#47:10 Heb: “tua” gei En-gedi panin En-eglaim dong mite dingin nga a beng ding uhi; tua mun pen len khuna mun hi ding hi; tua ngate Tuipi Lien sunga ngate bangin a nam tampitah hi ding hi. 11Ahi vangin nawnglah le buon tuite a cim thei tuom sih ding hi; tuate pen ci suoh dinga kinuasie ding ahi hi. 12Gunpi pang tuohah neh thei singkung namcin a po ding hi. A nate vul loin a ga zong hut lo ding a, mun siengtho panin amate adingin tui ang luon ziehin hlasielin ga a tha ga ding uhi. A gate an-in kinei ding a, a nate damna zatui-in kizang ding hi.#Kln 22:2
Gamgi Thate
(Gam 34:1-12)
13 Topa Pasien in tam bangin gen hi: Tamte pen Israel minam sawm le nite lahah amau’ gouluo dinga na hawmpieh gamgite ahi hi. Joseph in tanh ni nga ding hi. 14Note in a kikimin na hawm ding uhi; na pu na pate uh tungah tuate pieh dinga ka kiciemsa ahi a, na gouluo dingun tam leitang na luo ding uhi.
15Tam pen leitang kigi hi ding hi: Leilu lam pangah Tuipi Lien panin Hethlon lampi zui-in Lebo-hamath ah Zedad#47:15 Gk: Heb “Lebo-zedad, Hamath” dong, 16Berothah, Sibraim (tua pen Damascus le Hamth gamgi kikalah om), Hauran gamgi-a a om Hazer-hatticon dong ban ding hi. 17Tuaci’n tuipi panin Damascus leilu lam gamgi-a om Hazar-enon dongah kihlungin leilu#47:17 Heb ah a khietna kicien lo hi. lama om Hamath tawh kigamgi ahi hi. Tam pen leilu lam pang hi ding hi.
18Nisuona lam pangah Hauran le Damascus kikal hi ding hi; Jordan gun dung zuisuhin Gilead le Israel gam kikalah suoh ding hi; nisuona tuipi ah Tamar #47:18 Syr tawh kitekah: Heb “nangma in na te ding hi”dongin kihlung ding hi. Tam pen nisuona lam pang hi ding hi.
19Leitaw lam pangah Tamar panin Meribath-kadesh tuite dongah kihlung ding a, khum panin Tuipi Lien dongin Egypt#47:19 Heb ah “Egypt” om lo hi. Lui zui ding hi. Tam pen leitaw lam pang hi ding hi.
20Ni tumna lam pangah Tuipi Lien gamgi hi pai-in Lebo-hamath tawh kigalsai cieng lien hi ding hi. Tam pen ni tumna lam pang hi ding hi.
21Tuaci’n Israel minam zui-in note lahah tam gam teng na hawmkhen ding uhi. 22Tua gam pen noma’ gouluo ding le note lahah ang teng ta le nau a neisa namdangte adingin na hawm ding uhi. Note adingin amate pen Israel mi a suoh ding uhi; amate pen note tawh Israel minamte lahah gou kihawmpieh ding hi. 23Koikoi nam sungah tua gamdangte om tanan ule zong, khum munah a gouluo ding uh na pie ding uhi, Topa Pasien in ci hi.
Currently Selected:
EZEKIEL 47: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
