EZEKIEL 48
48
Minamte’ Tanh dingte
1Tam teng pen minamte’ min ahi hi: Leilu lam gamgi pan kipanin Hethlon lampi,#48:1 47:15 tawh a kitekah: Heb “lampi gei-ah” Lebo-hamath panin Hazar-enon dong ah (tua pen Damascus gamgi tungah om a, leilu lamah Hamath tawh kigamgi hi) kihlung suoh hi. Tuale#48:1 Cn: Heb “tuale amate pen ama-a’ ahi uhi” nisuona lam pang panin nitumna#48:1 tang 2-8 awh a kitekah Gk: Heb “nitumna nisuona lam pang” lamah kihlung suohin Dan in tanh khat a tang hi. 2Dan gamgi tawh a kimat nisuona lam pang panin nitumna lam pang dong Asher in tanh khat a tang hi. 3Asher gamgi tawh a kimat nisuona lam pang panin nitumna lam pang dong Naphtali in tanh khat a tang hi. 4Naphtali gamgi tawh a kimat nisuona lam pang panin nitumna lam pang dong Manasseh in tanh khat a tang hi. 5Manasseh gamgi tawh a kimat nisuona lam pang panin nitumna lam pang dong Ephraim in tanh khat a tang hi. 6Ephraim gamgi tawh a kimat nisuona lam pang panin nitumna lam pang dong Reuben in tanh khat a tang hi. 7Reuben gamgi tawh a kimat nisuona lam pang panin nitumna lam pang dong Judah in tanh khat a tang hi.
8Judah gamgi tawh a kimat nisuona lam pang panin nitumna lam pang dong se khat pen na tuomkoi ding vua, avai tong tul sawmni le nga le adung nisuona lam pang panin nitumna lam pang dong minam khat’ tanh za tawh kikim ding a, tua gam laikim tahah mun siengtho om ding hi. 9Topa adinga na tuomkhen tanh khat pen adung tong tul sawmni le nga, avai tong tul sawmni#48:9 4:1 tawh a kitekah: Heb “sawm” hi ding hi. 10Tamte pen a kihawm ding tanh siengthote ahi hi: Siempute in tanh khat a nei ding vua, a golna pen leilu lam pangah tong tul sawmni nga pha ding a, nitumna lam pangah avai tong tul sawm pha-in, nisuona lam pangah avai tong tul sawm ma pha ding a, leitaw lam pangah tong tul sawmni le nga pha-in tua gam laikim tahah Topa’ mun siengtho om ding hi. 11Tam mun pen Israel mite a vahmang hun lai vua Levi-te banga a vahmang lo, ka na a sem Zadok’ suonlehlahte#48:11 Gk khutgiel khatah : Heb “suonlehlahte lahah” ahi a kisiensuosa siempute ading ahi hi. 12Gam sung leitang siengthote lah panin Levi-te tawh a kigamgi siengtho pen mun khat, amau’ aituom tanh hi ding hi. 13Siempute’ gamgi zomah Levi-te in adung tong tul sawmni le nga, avai tong tul sawmni a pha tanh khat nei ding uhi. Adung a unpi-in tong tul sawmni le nga hi ding a, avai tong tul sawmni#48:13 Gk: Heb “sawm” hi ding hi. 14Amate in tuate zua thei loin na khatpo tawh zong hleh thei lo ding hi. Amate in a kituomteel tam gam’ tanh pen koima tungah piesawn thei lo ding hi, azieh pen tua khu Topa adingin a siengtho hi.
15A omlai leitang, avai tong tulnga le adung tong tul sawmni le nga pen khuopi adingin dei bang banga zah ding hi a, ten nading le mun-awnga om ding ahi hi. Khum laikimah khuopi a om ding hi; 16tuale khuopi a zaina tam bang dan hi ding hi: Leilu lam pang tong tul li le zanga, leitaw lam pang tong tul li le zanga, nisuona lam pang tong tul li le zanga, nitumna lam pang tong tul li le zanga pha kim ding hi. 17Khuopi in gam-awng nei ding hi: Leilu lamah tong zani le sawmnga, leitaw lamah tong zani le sawmnga, nisuona lamah tong zani le sawmnga, nitumna lamah tong zani le sawmnga pha kim ding hi. 18Mun siengtho tanh zomah a omlai teng a dung nisuona lamah tong tul sawm, nitumna lamah tong tul sawm ma hi ding a, mun siengtho tanh tawh kizom ding hi. Tam gama a piengte pen khuopi sunga nasemte’ kivana an ahi ding hi. 19Israel minam zosie lah panin khuopi sunga nasemte in tua leitang a hlo ding uhi. 20Na tuomkoi ding tanh buppi pen ning li kikim tong tul sawmni le nga hi ding a, khum pen khuopi neisa tawh a kisimtha a siengtho tanh ahi hi.
21A siengtho tanh le khuopi neisa pang tuohah a omlai teng pen gam-uhpa ading ahi hi. Gam siengtho tanh panin nisuona lamah tong tul sawmni le nga, le nitumna lamah tong tul sawmni nga dong a kihlungsuh, minamte’ tanh tawh a kitang teng pen gam-uhpa ading ahi hi. Tuami laikimah a siengtho tanh le biehinnpi’ mun siengtho a om ding hi. 22Levi-te neisa le khuopi pen gam-uhpa’ tanh ding gam laikimah a om ding hi. Gam-uhpa’ tanh pen ahile Judah le Benjamin gamgi kikal teng hi ding hi.
23Minamdang a omlaite ading pen: Nisuona lam pang panin nitumna lam pang dong Benjamin in tanh khat a tang hi. 24Benjamin gamgi tawh a kimat, nisuona lam pang panin nitumna lam pang dong Simeon in tanh khat a tang hi. 25Simeon gamgi tawh a kimat, nisuona lam pang panin nitumna lam pang dong Issachar in tanh khat a tang hi. 26Issachar gamgi tawh a kimat, nisuona lam pang panin nitumna lam pang dong Zebulun in tanh khat a tang hi. 27Zebulun gamgi tawh a kimat nisuona lam pang panin nitumna lam pang dong Gad in tanh khat a tang hi. 28Gad gamgi tawh a kimat leitaw lam gam teng pen Tamar panin Meribath-kadesh tuite dongin kihlungsuh ding a, khum mun panin Egypt#48:28 Heb ah “Egypt” om lo Lui zuisuhin Tuipi Lien dong hi ding hi. 29Tam pen Israel minamte lahah gouluo dinga na hawm ding uh gam hi a, tamte amau’ tanh dingte ahi hi, Topa Pasien in ci hi.
30Khuopi pan pusuona ding tam teng hi ding hi: A kitena-ah leilu lam pangah tong tul li le zanga a pha 31tunkot thum om ding a, Reuben tunkot, Judah tunkot, le Levi tunkotte ahi a, tua khuopi tunkotte pen Israel minamte’ min kitap ahi hi. 32Nisuona lam pangah tong tul li le zanga a pha tunkot thum om ding a, Joseph tunkot, Benjamin tunkot, le Dan tunkotte ahi hi. 33A kitena-ah leitaw lam pangah tong tul li le zanga a pha tunkot thum om ding a, Simeon tunkot, Issachar tunkot, le Zebulun tunkotte ahi hi. 34Nitumna lam pangah tong tul li le zanga a pha tunkot thum om ding a, Gad tunkot,#48:34 Gk Syr khutgiel khatah: MT “amau’ tunkot thum” Asher tunkot, le Naphtali tunkotte ahi hi.#Kln 21:12-13 35Khuopi a kimvelin tong tul sawm le giet hi ding hi. Khum huna kipanin khuopi min pen, ‘Topa Khumnah a om hi,’ kici ding hi,” ei ci hi.
Currently Selected:
EZEKIEL 48: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
