EZEKIEL 46
46
Zuiding Ngaina Tuomtuomte
1 Topa Pasien in tam bangin gen hi: Nisuona lam a kinga leituol sungnung tunkot pen nasep ni guh sung kikhah ding hi; ahi vangin sabbath ni le hladet ni-in kihong ding hi. 2A pulam panin talaap tunkot zui-in gam-uhpa lut ding a, tunkot khuom gei-ah a ding ding hi. Siempute in ama’ meihal biehnate le thunuoma biehnate pie-in tunkot lutna ah a lukun ding uhi. Tua ciengin ama pei ding a, ahi vangin nitah dongin tunkot kikhah lo ding hi. 3Sabbath-te le hladet ni ciengin tunkot lutna Topa mai-ah gam sung mite a kun ding uhi. 4Sabbath ni-in gam-uh pa in Topa tunga a pieh meihal biehna pen nuol baanglo tuuno guh le tuutang khat hi ding hi; 5tuale tuutang tawh a kipieton ding an tawh biehna pen ephah khat hi ding a, tuuno tawh a kipieton ding an tawh biehna pen ama pieh nuom zaza hi ding hi, ephah khat simin sathau hin khat tawh pieton ding hi. 6Hladet ni ciengin ama in nuol baang lo bawngtang guol khat, tuuno guh le tuutang khat pie ding hi; 7ama in bawngtang khat tawh an tawh biehna dingin ephah khat pie ding a, tuutang tawh ephah khat ma pie-in, tuuno tawh ama pieh nuom zaza pie ding hi, ephah khat simin sathau hin khat ta tawh pieton ding hi. 8Gam-uhpa a lut ciengin talaap tunkot zui-in lut ding a, tua lampi ma zui-in pusuoh ding hi.
9A kisesa pawite ah Topa mai-ah gam mite a pei ciengun Pasien bie dinga leilu lam tunkota a lut poma leitaw lam tunkotah pusuoh ding uhi; leitaw lam tunkota a lut poma leilu lam tunkotah pusuoh ding uh: a lutna uh tunkot zui-in amate pusuoh lo ding a, hinanle a mailam-ah tangtahin a pusuoh ding uhi. 10Amate a lut ciengun, gam-uhpa zong amate tawh lut ding a, amate a pusuo ciengin ama zong pusuoh ding hi.
11A pawite ule a hun zui-a a kisesa pawite ah an tawh biehna dingin bawngtang khat le ephah khat hi ding a, tuutang tawh ephah khat ma kipie-in, tuuno tawh a piete in amate pieh nuom zaza pie ding a, ephah khat simin sathau hin khat ta tawh a pieton ding hi. 12Topa tungah gam-uhpa in nop thu-a biehna dingin meihal biehna ahi a, lungnuoma biehna ahi zongin a pieh ciengin, ama adingin nisuona lam a kinga tunkot kihonpieh ding hi; tuale ama in meihal biehna ahi a, thunuoma biehnate ahi zongin a pieh ciengin sabbath ni-a bangin pie ding hi. Tua ciengin ama pusuoh ding a, ama a pusuo zaw ciengin tunkot kikhah ding hi.
13Ama in Topa tungah meihal biehna dingin nisimin nuol baanglo kum khat a pha tuuno khat pie ding hi; ama in zingmawng sielin pie ding hi. 14Tuale ama in tuate tawh an tawh biehna ephah khat seguh suo se khat le anneel a tap suoh zo dingin sathau hin khat sethum-suo-sekhat zingmawng sielin pie zing ding hi; tam pen ngaina kipin kizang zing ding hi. 15Tua bangin tuuno, an tawh biehna le sathaute pen meihal biehna dingin zingmawng sielin kipie zing ding hi.
16 Topa Pasien in tam bangin gen hi: Gam-uhpa in a gouluo#46:16 Gk: Heb “tami ama gouluo ahi hi” panin a tapate lahah khat penpen tungah letsong a pieh leh a tate in tuate a tang ding vua, amate adingin a gouluo uh hi ding hi. 17Ahi vangin a gouluo lah panin a nasemte khat penpen tungah letsong a pieh leh, suotah kum dong cieng ama-a’ hi ding a, tua zaw ciengin gam-uhpa kungah tungkia ding hi; a tapate beh in tua letsong pen a gou dingun a kem peisuoh thei ding uhi.#Siem 25:10 18Gam-uhpa in mite’ gou khat popo lahpieh lo ding a, a neisa uh leitang panin zong amate notmang lo ding hi; ka mite khat mama zong amau’ neisa leitang a kilahpieh lo nadingin gam-uhpa in ama’ neisa leitang panin a tapate tungah amau’ gouluo a pie ding hi.
19Tua ciengin ama in tunkot panga om lutna lampi zui-in, sah lama siempute dinga inndei siengtho kiguolte sungah ei peipi hi; tuale khum sung nitumna lam a mongta penah mun khat ka mu hi. 20Ama in ka kungah, “Tam mun pen siempute in khielna zieha biehna le mawna zieha biehnate a huon nading uh mun le an tawh biehnate a em nading uh mun ahi a, tam pen leituol pulamah tuate peipi loin a siengtho nate tawh mite a lawsah khah lo nading uh ahi hi,” ei ci hi.
21Tua ciengin ama in leituol pulam ah ei peipisuoh a, tuale leituol ning li tengah ei zawpi hi; leituol ning li cietah leituol khat ciet a na om hi. 22Tua leituol ning lite sungah leituol neute#46:22 Gk Syr Vg: Heb ah a khietna kicien lo hi. om a, adung tong sawmli avai tong sawmthum ahi hi; a li-un a golna uh kikim hi. 23Tua leituol neu lite#46:23 Heb “tuate a li-in” sunglam kimvel cietah suong kikhengzol guol khat ciet om a, tua suong kiguolte’ a tawguol kimvelah meikhuhte kibawl hi. 24Tua ciengin ama in keima kungah, “Tamte pen biehinnpi sunga nasemte in mite’ biehpiehna sa a huon nading uh anhuon buh ahi hi,” ei ci hi.
Currently Selected:
EZEKIEL 46: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
