DANIEL 7

Mangmuna Sunga Gamsa Lite

1Belshazzar, Babylon kumpi a suo zaw a kum masa kumin Daniel in mang khat man a, a lupna tungah a lup laitahin a lungsim sungah mangmunate nei hi. Tua ciengin ama in lai tawh a mangmat tam bangin giel hi:#7:1 Q Ms Theodotion: MT “kammalte a kipatna-ah; ama in gen hi” ci kibelap 2Keima#7:2 Theodotion: Aram “Daniel in dawngin ama in, “Keima” Daniel in zan lai-in ka mangmuna sungah tuipi lien a lawhling van ning lite ka mu a, 3tuipi panin gamsa gol li ang pusuohto a, tuate khatlekhat kibang lo hi.#Kln 13:1; 17:8 4Amasa pen humpi tawh kibangin muvanlai hla nei hi. Tua ciengin keima in ka et laitahin a hlate kibotin lei lah panin kidomsang a, mihing bangin a keng tegel tawh kidingsahin ama tungah mihing lungsim kiguon hi. 5A nina gamsa adang khat ang kilang a tua pen vompi tawh kibang hi. A pang lang khatin dingto-in a kam sunga a hate kikalah a hapate#7:5 Ahi sihle “nahgute” thum om a, “Tho inlen luong tampi ne in!” kici hi. 6Tami zaw ciengin keima in ka en leh gamsa adang khat ang kilangkia a, tua pen lutnu tawh kibang hi. Tua gamsa in a elzangah va hla li nei a, lutang li nei hi; tuale ama tungah uhna aana kipie hi.#Kln 13:2 7Tami zaw ciengin zanlai ka mangmuna ah a giinhuoi, a cimulthaw huoi, le a thahat mama a lina gamsa khat ka mu hi. Tua in siaha gol khat nei a, ama in nawmvalin ehmal a, a omlai teng a keng tawh tuoncil hi. Ama pen a masanga gamsate tawh kibang loin ki sawm nei hi.#Kln 12:3; 13:1 8Keima in tua a kite ka ngaisut laitahin tuate lah panin adang a ki neu khat ang po a, tuami op nadingin a masanga a ki thumte a zung panin kibotkhie hi. Tami a ki tungah mihing mittang tawh a kibang mittangte om a, kiliensah tahin a ham hi.#Kln 13:5-6

Khanglui Mipa Mai-ah Thukhenna

9Ka et laitahin kumpi tophate kipha a,

a kumpi topha tungah Khanglui Mipa#7:9 Aram “Tangtawng Mipa” a to hi.

A puonsil vua bangin ngo a, a luzanga a samte zong

tuumul bangin a siengtho hi;

a kumpi topha mei-am hi a,

a topha lengkangte meikuong ahi hi.#Kln 20:4; 1:14

10Meikuong lomkhat a pusuoh a,

a mai panin tui luonin a luong hi.

Mi tul za tampi in ama’ na a sem vua,

ama a khoi dingin tul za sawm tampi a ding uhi.

Thukhen dingin zumah kito a,

laibute kiphen hi.#Kln 5:11; 20:12

11Tuami ki in kiphatsahna kam a ham ziehin ka en khinkhian hi. Tuale keima in ka et laitahin tua gamsa kithatin a pumpi kisusie a, mei tawh hal dingin kipie hi. 12A omlai gamsate pen amau’ uhna aana kilahpieh a, ahi vangin a nuntahna uh a kiciengtan hun khat sung kikhanpieh hi. 13Keima in zan ka mangmuna-ah ka en a,

mihing#7:13 Aram “mihing tapa tawh kibang khat” tawh a kibang khat

vana meii tung tuongin ang pei ka mu hi.

Khanglui Mipa#7:13 Aram “Tangtawng Mipa” kungah ama pei a,

ama mai-ah kizawpi hi.#Mat 24:30; 26:64; Mrk 13:26; 14:62; Luk 21:27; Kln 1:7, 13; 14:14

14Ama tungah uhna aana, vang le kumpi za kipie a,

mi zosie, nam zosie, le ham zosie in a na sem ding uhi.

Ama’ uhna aana pen

kumtawn uhna aana hi a, tua uhna tawp ngai loin

a kumpi gam zong

kisusie ngai lo ding hi.#Kln 11:15

Daniel Mangmuna Kikhiehpieh

15Keima Daniel ka hile ka sung tawngah#7:15 Aram “a nampai sungah buoi hi” ka buoi mama a, ka mangmunate in ka lungsim ei patausah hi. 16Tami thu zosie tawh kisai-in thuman dong dingin a cingte lahah khat ka va nai ta hi. Tuaci’n ama in tua thu a khietna kang hil ding hi, ei ci hi: 17“Tami gamsa lite pen kumpi gam li ahi a, leitung panin kumpi li ang khang ding hi. 18Hizongle Sangpen Pa’ misiengte in kumpi gam a tang ding vua, tua kumpi gam kumtawnin a nei zing ding uhi,” ei ci hi.#Kln 22:5

19Tua ciengin keima in a omlai teng zosie tawh a kilamdang, nahpi taha a giinhuoi, siaha le sumngo kecin a nei, ehmalin a nawmval, a omlai teng a keng tawh a tuoncil gamsa lina tungtang thu, 20le a lutunga po a ki sawmte le, tuate lahah thum kiladawhin mittangte nei-in kiliensah tahin a kam pau, tua adangte sanga a goltuohzaw, tua adang ang poto ki tungtang thu ka thei nuom hi. 21Keima in ka et laitahin tami ki in misiengte tawh gal kido a, tua#Kln 13:7 22Khanglui Mipa#7:22 Aram “Tanglai Mipa” ang pei masangin amate a zo gawp hi; tua ciengin Sangpen Pa’ misiengte tungah thukhen theina kipie a, misiengte in kumpi gam a nga nading uh hun a tung hi.#Kln 20:4

23Ama gen khu tami ahi hi: “Gamsa lina pen,

leitunga ang pieng ding kumpi gam lina hi a,

kumpi gamdang zosie tawh kibang lo ding hi.

Tua in leitung buppi valtum ding a,

tuoncilin ehmal ding hi.

24Ki sawmte tawh kisai pen,

tam kumpi gam sung panin

kumpi sawm ang khang ding a,

amate nua-ah adang khat

ang khangkhie ding hi.

Tam pen a omsate tawh kibang loin

kumpi thumte a nuoinet ding hi.#Kln 17:12

25Ama in Sangpen Pa langpanna kam pau-in,

Sangpen Pa’ misiengte genthei bawl ding a,

a siengtho pawibawl hunte le thukhamte khel ding hanciemin,

ama’ khut sungah hun khat, hun ni,#7:25 Aram “hun khat, hunte” le

hun lang sung amate a om ding uhi.#Kln 12:14; 13:5-6

26Tua ciengin thukhenin kito ding a,

ama’ uhna aana kilah piehin kisumaimang ding hi.

27Kumpi za, uhna aana, le

vansin nei buppi sunga

Sangpen Pa’ misiengte tungah

a kumpi gam thupina teng kipie ding hi.

Amau’ kumpi gam pen

kumtawn kumpi gam hi ding a,

vaihawm zosie in amau’ na semin

a thu mang ding uhi,” ei ci hi.#Kln 20:4; 22:5

28Tam sungah tangthu a kihiel ahi ta hi. Keima Daniel ka hile ka lungsim ngaisutna in ei zausahin ka mai a engdang vawt hi; ahi vangin tami thu ka lungsim sungah ka koi khinkhian hi.

Currently Selected:

DANIEL 7: ZBOTF01

Highlight

Copy

Compare