DANIEL 8
8
Tuutang Khat le Keeltang Khat Mangmuna
1Keima kungah mangmuna khat ang kilah masah zaw, Belshazzar kumpi suo a kum thumna kumin keima Daniel kungah mangmuna khat ang kilang hi. 2Keima in tua mangmuna sungah ka et laitahin Elam#8:2 Gk Theodotion: MT Q Ms in “ka mangmuna sungah ka et laitahin” ci-in nivei giel hi. gamkhen Susa khuopi sunga a omin kei le kei ka kimu a, Ulai#8:2 Ahi sihle “Ulai tunkot” gun#8:2 Ahi sihle “tunkot” gei-ah ka ding hi. 3Ka dahto leh gun#8:3 Ahi sihle “tunkot” gei-a a ding tuutang khat ka mu hi. Ama in ki ni nei hi. A ki tegel sau tuoh a, ahi vangin khat pen adang khat sangin sauzaw hi. Tua a sauzaw pen a po nukhia zaw ahi hi. 4Tua tuutang in a ki tawh nitumna lam, sahlam, le hlanglam a suh kawikawi ka mu hi. Gamsa zosie in ama nangzo loin ama’ thahatna panin koima in hunkhie zo lo hi; ama’ dei bangin gamta-in a thahat semsem hi.
5Keima in ka et laitahin nitumna lam panin keeltang khat ang kilang a, lei tuon loin leitung buppi a kansan hi. Tua keel in a mit tegel kikalah ki#8:5 Theodotion: Gk “kii khat”; Heb “mangmuna ki khat” khat nei hi. 6Ki ni a nei gun#8:6 Ahi sihle “tunkot” gei-a ding ka musa tuutang kung zuonin a thanei za tawh ama a tai hi. 7Tua keeltang in tuutang lam a nai ka mu hi. A lungthah sengin tua tuutang a ki tawh su a, a ki ni a tawngsan hi. Tuutang in ama a nan zawh nading hatna nei lo hi; ama in tua tuutang tuolsena-in nei-in tuoncil a, ama’ hatna panin tuutang a hunkhie zo koima om lo hi. 8Tua ciengin tua keeltang nahpi tahin ang vanglien hi; ahi vangin a thahat pen laitahin a ki golpi tawngsan a, khum munah leimong li lam kinga-in a lamdang ki li a momkia hi.
9Tuate lahah khat tungah a neu ki adang khat#8:9 Cn 7:8 tawh a kitekah: Heb “khat” mom a, leitaw lam, nisuona lam, gam hoi lam nga-in nahpi tahin vanglien hi. 10Vantung galkap honte bangin a thahatna khangto a, ama in vantung galkap honkhat le aasi honkhat leitungah khiesuhin a tuoncil hi.#Kln 12:4 11Ama kiliensahin van galkap lamkaipa nangawn a do hi; ama in a kibawl zing meihal biehna lahpiehin ama’ mun siengtho zong a lemangpieh hi. 12Gitlona ziehin tuami ki tungah nisim meihal biehna#8:12 Heb ah a khietna kicien lo hi. le galkap honpite kipie a, tua ki in tualah thuman a paisuh hi. 13Tua ciengin a siengtho pa khat thugen ka za a, adang a siengthopa khat in tua thugenpa kungah, “Nisima meihal biehna, nate a hawmmangsah suhkhielna, le mun siengtho le vantung galkapte totcil dinga a kipieh nading tawh kisai tami mangmuna bang tanvei sawt ding ahei” a kici uhi.#8:13 Heb ah a khietna kicien lo hi. 14Ama in#8:14 Gk Theodotion Syr Vg: Heb “keima” dawng a, “Zingmawng le nitah tulni le zathum sawt ding hi; tua ciengin ama mun ngai ma ah mun siengtho kikoikia ding hi,” a ci hi.
Gabriel in Mangmuna Khiehpieh
15Keima Daniel in mangmuna ka mu zaw ciengin tuami khietna ka thei nadingin ka hanciem hi. Tua ciengin mihing melpuo khat ka mai-ah ang ding a, 16tuale Ulai panin mihing’ aw khat ka za a, “Gabriel aw, tam mipa mangmuna theisah in,” ci-in hlan hi.#Luk 1:19, 26 17Tuaci’n ama in ka dinna gei ang nai a, ang tun ciengin ka zau seng ziehin ka bawhsuh hi. Ahi vangin ama in keima kungah, “Mihing aw,#8:17 Heb “mihing tapa” mangmuna pen hun tawp cieng ading ahi lam thei in,” ei ci hi.
18Ama in keima ei hopi laitahin khuophawh nawn loin tuolah ka pua hi; tua bepin ama in kei ei thamin ka kengin ei dingsah hi. 19Ama in, “Ngai vawi, lungthah hun tawp cienga ang pieng ding thute ang gen ding ka hi hi; azieh pen tua khu a kisesa hun tawpna ding genna ahi hi. 20Ki ni a nei tuutang na mu pen Media le Persia kumpite a cina ahi hi. 21Keeltang#8:21 Ahi sihle “kel mulpha pen” pen Greek kumpipa hi a, a mit tegel kikala a po a ki gol pen khu kumpi masapen ahi hi. 22A ki a tawngsan, tua munah adang ki li a pote ahi uleh, ama’#8:22 Gk Theodotion Vg: Heb “tua” gam sung panin kumpi gam li khang ding cina hi a, ahi vangin kumpi gam masa pen bangin hat zo lo ding hi.
23Amau’ uhna tawpin,
khielnate ang bukim ciengin,
zuouphuo siem le hansan mel a puo
kumpi khat ang khang ding hi.
24Ama thahatin ang vanglien#8:24 Theodotion le Gk Ms khat: Heb in (8:22 panin) “ahi vangin ama’ thahatna tawh hi loin” nivei ci hi. ding a,
ama in a zauhuoi sietna piengsahin, a sepna-ah lawcing ding hi.
Ama in mi thahatte le misiengte
a susie ding hi.
25A khelpilna tawh
a khut in zuou bawlin cithei ding a,
a lungsim zong kiliensah ding hi.
Hilkhol loin mi tampi thatin,
kumpite’ Kumpipa nangawn langpan ding a,
hizongle mihing khut tawh hi loin
ama kisusie ding hi.
26Zingmawng le nitaha mangmuna kigen pen a man ahi hi. Nang na hileh tua mangmuna imcip phot in, azieh pen tua khu tu-a kipanin ang tung ding hun sawtpi ading ahi hi,” ei ci hi.
27Tuaci’n keima Daniel, thazaw gawpin ni phabep khat sung ka ci a na hi; tua ciengin ka tho a, kumpipa nasep sem dingin ka kuon hi. Ahi vangin ka mangmuna in ei zauthawngsah a, tua khu ka theitel zo sih hi.
Currently Selected:
DANIEL 8: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
