COLOSSE-TE 3
3
Khris Sungah Hinna Tha
1Tuaci’n Khris tawh a thoto zo na hi tah uleh, note in Pasien’ zietlam kumpi topha tunga a to Khris opna mun ahi tunglam nate sui-in nei un.#Late 110:1 2Leitunga om nate tungah na lungsim uh nga sih unlen, tunglam a om nate tungah nga un, 3azieh pen note na si zo ta vua, na hinna uh Khris tawh Pasien sungah kiphuoltonin a om hi. 4Note’#3:4 Adang tang laibute ah “eite” ci-in kigiel hi. hinna ahi Khris ang kilah ciengin note zong ama’ minthanna sungah ama tawh na kilahton ding uhi.
5Tua ahi ziehin na tahsa sung vua om numei-pasal pahtatna, siengtho lona, huana lanna, gitlo deigawna, le milim biehna ahi huoihamna-a kipan leitung sil poma na thatlia un. 6Tam teng ziehin mi thunung lote tungah#3:6 Adang tang laibute ah “thunung lote tungah” (Gk “thununlona tate”) ci om lo hi. Pasien’ lungthahna a tung ding hi. 7Hun khat lai-in note zong tam bang gamtatnate tawh#3:7 Ahi sihle “tua bang mite lahah a hinglaite na hi uhi” a nungta ngaite na hi uhi. 8Hizongle tu-in na kam sung panun tua bang nate ahi, lungthahna, thangpaina, mudana, mindaisahna, le kam gilo#3:8 Ahi sihle “ kidahhuoi” poma na paimang un. 9Hindan lui le gamtatna luite a suokhiesa na hi lam uh kithei-in khatlekhat kisol sih un.#Eph 4:22 10Note pen ang piengsah pa’ lim le mel tawh kisunin theitelna lamah a kibawltha ahi mitha silte na hi ta uhi.#Eph 4:24; Pien 1:26 11Tua thasuona sungah Gentile-te le Jew mite, teptan le teptan lote, nam tuolte, Scythia-te, silate le sila lote ci bang a om nawn sih hi; hizongle Khris pen bangkim ahi a, bangkimah ama a om hi.
12Note pen Pasien’ teelsa a siengtho le a ithuoite na hi ma bangun lainatna, migitna, kiniemkhiehna, lungnemna le lungduoina-te na sil un. 13Mi khatpo in adang khat tungah mawsah nading a nei leh khatlekhat kithuoh zo-in na kimaisah un. Topa in note’ mawna ang maisah bangin note zong khatlekhat maw na kimaisah un.#Eph 4:2 14Tamte zosie tungah note in sil bangkim kihuol taha a khiton itna na sil un. 15Pumkhat ahi dinga note ang hlan Khris’ kilemna in na lungtang na uhsah unlen, kipah tahin na om un. 16Note sungah Khris’ thu kicingtahin tengsah un; pilna bukim tawh khatlekhat thu kihilin na kisam un; na lungtang vuah lungdamna tawh Pasien tungah phatna late, biehna late, le hlagau late na sa un. 17Na hamna vuah ahi a, na gamtatna vuah ahi zongin Topa Jesu’ minin sil bangkim na bawl unlen, ama tungtawnin Pa Pasien tungah lungdam na ko un.#Eph 5:19-20
Tapidaw Innkuonte’ Zui ding Thute
18Zite aw, Topa sunga na bawl ding uh a kilawm ahi ma bangin na pasalte’ thu na mang un.#Eph 5:22; 1Pet 3:1 19Pasalte aw, na zite it unlen amate tungah sitsie lungham vapual ngai sih un.#Eph 5:25; 1Pet 3:7 20Tate aw, sil bangkimah na nu na pate thu na mang un, azieh pen tam pen Topa sungah a bawltah na nasep uh ahi hi.#Eph 6:1 21Pate aw, na tate uh thangpaisah sih un, tua hi sihle amate ang lungkie kha ding uhi.#Eph 6:4 22Silate aw, sil bangkimah leitung na pute uh’ thu na mang un, ang kimu sung beh ule amate lungkim thei nadinga thumang hi loin, Topa na zatahna ziehun na lungsimtahpi utawh thu mang na hizaw un. 23Na sepna khat popo vuah na pute uh’ nasem bangin na kingaisun sih unlen, Topa adinga nasem bangin na kingaisun un. 24Topa tung panin thaman dingin gouluo na nga ding uhi, ci na thei uhi; note pen Topa Khris’ nasemte na hi uhi. 25Azieh pen deisahtuom om loin, a bawlkhiel na khatpo ziehin tua khielna bawlpa tungah kithuhkia ding hi. #Eph 6:5-8#Thkna 10:17; Eph 6:9
Currently Selected:
COLOSSE-TE 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
