COLOSSE-TE 2
2
1Bangzieh ahei cile note le Laodicia khuomite a kipanin ka maitang ei mu ngai nai lo mi zosie adingin keima in bangza-in hanciemin sem ka hei, ci na thei ding uh ka dei hi. 2A lungsim sung vuah amate kihanthawnin itna sungah kipumkhat a, tuaci’n amate in hauna kicing theitelna bukim le, Khris mama ahi Pasien’ thu thuhpi theina#2:2 Adang tang laibute ah “Pa le Khris’ Pasien thuthuhpi” a nei ding uh ka dei a, 3ama sungah pilna le theina gougil zosie kiphuolin a om hi. 4Thu hoi lim a sut mawh vangin thuman lote tawh koima in note ang sol zo lo nadinga tami thu kang gen ahi hi. 5Bangzieh ahei cile ka pumpi tawh kang oppi sih vangin Hlagau sungah kang oppi veve a, na lungsim puoh dante ule Khris sungah a kip na upna uh ka mu ciengin ka kipah mama hi.
Khris Sunga Om Hinna Bukim
6Tua ahi ziehin note in Khris Jesu Topa na sansa uh ahi ma bangin na hinkhuote uh ama sungah nungta suoh a,#2:6 Gk “kalsuonin” 7ang kihilsa bang tehtehin ama sungah zunghla-in, kilamin upna-ah na bulkip unlen, a kicing lungdamkona na nei un.
8Khris’ deina dan tawh a kituoh lo, mihingte’ tang ngainate le leitung a uh hlagaute’#2:8 Ahi sihle “leitung thungehte” dei dan tawh a kituoh thuthuh ngaisutnate le a hawmpi ahi kisolnate tungtawnin koima in note sala ang mat lo nadingin kikem un. 9Bangzieh ahei cile ama’ pumpi-ah Pasien’ pienzie bukim om a, 10note in a uhte le aana neite zosie’ lutang ahi ama sungah hinna bukim na nei uhi. 11Note zong Khris’ teptanna sungah cilesa pumpi suokhie-in khut tawh a kitan ahi lo, hlagau teptanna#2:11 Gk “khut tawh kitan lo teptanna” tawh ama sungah tep kitansa na hi uhi. 12Baptize-na sungah Khris tawh na kivuiton ciengun sina panin ama a thosah Pasien’ vanglietna sungah upna tungtawnin note zong ama tawh ang thotonsah kia ta hi.#2:12 Rom 6:4 13Na khielnate ule na cilesa teptannate sung vuah na si lai-un Pasien in ama tawh a hington dingin note ang bawl a,#2:13 Adang tang laibute ah “eite ei bawl a” ci-in kigiel hi; adang khat in “ei bawl a” ci hi. na khielna zosie uh ang ngaidam lai-in,#Eph 2:1-5 14ama in eite langah thukham’ ei kalh ciemtena laite phietmangin hemkhie dawh a, singlamte tungah a kildet ta hi.#Eph 2:15 15Ama in a uhte le thuneite gal lelsah#2:15 Ahi sihle “lamangin” a, singlamte hang tawh tuate tungah a guolzo a, mipi’ ette dingin tuate a bawl hi.
16Tua ahi ziehin anneh tuidawn ahi a, biehna pawite, hladet pawite, le sabbath tanna thute-ah ahi zongin, na tung vuah koima in thu na khensah sih un.#Rom 14:1-6 17Tamte pen ang tung ding nate’ hlim beh ahi a, a tahtah pen Khris hizaw hi. 18Amate in mangmuna a mu ziehun a thupi deu-in a kingaisun vua, tuaci’n a dih lo kiniemkhiehna le vantung mite bieh ding a paugen mite khatpo in na thaman uh na tan nadingun kibawlsah sih un. Tua bang mite pen a hang om lopi-in mihing’ ngaisutna tawh#2:18 Gk “a cilesa lungsim tawh” a kimot phatsah uh ahi a, 19tua a lutang pen a tudet sih uhi, tua panin pumpi na zosie in thahatna nga-in, gu le tangte le thahuite tawh kizom dimdiem a, Pasien kung pana khanna tawh a khangto hi.#Eph 4:16
Zuouthei Siete Tunga Hilkholna
20Khris tawh leitung thungehte#2:20 Ahi sihle “leitung hlagaute” a sisa na hi tah uleh, bang dingin leitung tawh kipawl bangin nungta lai na hi uh ahei? Bang dingin note in tam bang ngainate ahi, 21tham sin, ciem sin, khoi kha sin, ci thute mang na hi uh ahei? 22Tam ngaina zosie pen eite tawh a kisietha ding nate a genna hi a, tuate pen mihingte’ thupieh le thuhilnate hi lel hi. 23Tamte pen bawltawm biehna, kiniemkhiehna, le tahsa genthei bawlnate a khangsah pilna tawh a kibah vangin nop banga gamtatna kham nadingin kimanna a nei sih uhi.#2:23 Ahi sihle “tuate in kimanna nei lo a, cilesa lama noptat nading beh sem hi”
Currently Selected:
COLOSSE-TE 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
