Popular Bible Verses from COLOSSE-TE 3

Share

Mi khatpo in adang khat tungah mawsah nading a nei leh khatlekhat kithuoh zo-in na kimaisah un. TOPA in note’ mawna ang maisah bangin note zong khatlekhat maw na kimaisah un.

Leitunga om nate tungah na lungsim uh nga sih unlen, tunglam a om nate tungah nga un

Na sepna khat popo vuah na pute uh’ nasem bangin na kingaisun sih unlen, TOPA adinga nasem bangin na kingaisun un.

Note pen Pasien’ teelsa a siengtho le a ithuoite na hi ma bangun lainatna, migitna, kiniemkhiehna, lungnemna le lungduoina-te na sil un.

Note sungah Khris’ thu kicingtahin tengsah un; pilna bukim tawh khatlekhat thu kihilin na kisam un; na lungtang vuah lungdamna tawh Pasien tungah phatna late, biehna late, le hlagau late na sa un. Na hamna vuah ahi a, na gamtatna vuah ahi zongin TOPA Jesu’ minin sil bangkim na bawl unlen, ama tungtawnin Pa Pasien tungah lungdam na ko un.

Tamte zosie tungah note in sil bangkim kihuol taha a khiton itna na sil un.

Tuaci’n Khris tawh a thoto zo na hi tah uleh, note in Pasien’ zietlam kumpi topha tunga a to Khris opna mun ahi tunglam nate sui-in nei un.

Pumkhat ahi dinga note ang hlan Khris’ kilemna in na lungtang na uhsah unlen, kipah tahin na om un.

Tua ahi ziehin na tahsa sung vua om numei-pasal pahtatna, siengtho lona, huana lanna, gitlo deigawna, le milim biehna ahi huoihamna-a kipan leitung sil poma na thatlia un.

azieh pen note na si zo ta vua, na hinna uh Khris tawh Pasien sungah kiphuoltonin a om hi.

Hizongle tu-in na kam sung panun tua bang nate ahi, lungthahna, thangpaina, mudana, mindaisahna, le kam gilo poma na paimang un.

Hindan lui le gamtatna luite a suokhiesa na hi lam uh kithei-in khatlekhat kisol sih un. Note pen ang piengsah pa’ lim le mel tawh kisunin theitelna lamah a kibawltha ahi mitha silte na hi ta uhi.

Pasalte aw, na zite it unlen amate tungah sitsie lungham vapual ngai sih un.

Tate aw, sil bangkimah na nu na pate thu na mang un, azieh pen tam pen TOPA sungah a bawltah na nasep uh ahi hi.

Zite aw, TOPA sunga na bawl ding uh a kilawm ahi ma bangin na pasalte’ thu na mang un.