COLOSSE-TE 1
1
1Pasien’ deina bangin Khris Jesu sawltahpi Paul le i sanggampa Timothy in,
2Colosse khuopi-a om Khris sunga misiengthote le a citah sanggamte tungah:
Note tungah i Pasien tung panin hepina le lungmuonna hing om taheh.
Colosse-te adingin Paul in Pasien tungah Nuomthu Tut
3-5Khris Jesu sunga na upna ule misiengthote zosie na itna uh ahi a, note dinga vantunga ang kikholpieh lametna thute ahi zongin za zo ka hi ziehun note adingin i Topa Jesu Khris’ Pa Pasien tungah lungdamna kang kopieh zing uhi. 6Na tung vua ang tung tua lungdamna thu in leitung buppi-ah a ga suongin a khan ma bangin, note in zong thuman thutah sungah Pasien’ hepina thu za-in na thei tahtah ni vua kipanin note lahah ga a ga zo ta hi. 7Tam thu pen note in ka it ka naseppi#1:7 Gk “sila” uh Epaphras kung pana na zahsa uh ahi hi. Ama pen note#1:7 Adang tang laibute ah “eite” ci-in kigiel hi. tanga Khris’ nasem muonhuoi khat ahi hi.#Col 4:12; Phm 23 8Hlagau sungah itna na neinate uzong ama in ei theisah zo hi.
9Tami thu ziehin na thu uh ka zah ni vua kipanin, hlagau lam pilna le theitelna zosie nei-in Pasien’#1:9 Gk “ama’ “ deina theitheina tawh na kidim nadingun thu kang ngetpieh zing uhi. 10Tuaci’n note in Topa’ deina bang ahi hinkhuote mang thei-in ama na lungkimsah bukim ding vua, sil hoi namkimah zong ga suongin Pasien’ thutheina-ah na khang semsem ding uhi. 11-12Kipahtahin lungduoina tawh sil bangkim thuoh dingin kithawi a, khuovah sungah misiengthote tawh note#1:11-12 Adang tang laibute ah “eite” ci-in kigiel hi. gou ang luotonsah thei#1:11-12 Adang tang laibute ah “ei hlan” Pa tungah lungdamna na ko thei nadingun, a minthang ama’ vanglietna in thahatna zosie tawh hing thakhausah ta uheh. 13Ama in khuomiel thuneina gam panin eite ei hunkhie-in, a it a Tapa gam sungah ei koi a, 14eite in ama sungah tatkhietna le maw kimaisahnate i nei uhi#1:14 Adang tang laibute in “ama’ sisan tungtawnin” ci belap hi..#Eph 1:7
Tungnung pen Khris’
15Ama pen mu thei lo Pasien’ lim hi a, a kipiengsah zosiete lahah a pieng masa pen ahi hi; 16bangzieh ahei cile ama sungah#1:16 Ahi sihle “ziehin” vantung le leitunga om nate, a kimuthei le a kimuthei lo nate, kumpi tophate, ahi sihle uhnate, ahi sihle gam-uhte, ahi sihle vanglietnate kisiem hi, ama ading le ama tungtawnin sil bangkim kisiem zo hi. 17Sil bangkim a op masang in Ama a om zo ta bo a, ama sungah#1:17 Ahi sihle “ziehin” sil bangkim a kizom dimdiem hi. 18Ama pen hlattuom pawlpi ahi pumpi’ lutang ahi hi; sil bangkimah a tungnung pen ahi thei nadingin ama a kipatna le misite lah panin a kithokiasah tacil ahi hi.#Eph 1:22-23 19Bang ding ahei cile ama sungah Pasien’ bukimna zosie a ten ding pen Pa lungkimna hi a, 20ama tungtawnin ama tawh lei le vana sil bangkim kilemsahin, a singlamte sisan tungtawnin kilemna ei bawlpieh hi.#Eph 2:16
21Hun khat lai-in lungsim gilo-in na gamtat siet ziehun Pasien tawh na kigamla vua, 22tu-in ahile ama mai-ah a siengtho, nuol om lo le muhkawna om loin sina tungtawnin ama’ tahsa pumpi sungah ang lemtuo#1:22 Adang tang laibute ah “tu-in note ang kilemtuo zo hi” ci-in kigiel hi. zo ta hi. 23Tua khu na zahsa uh lungdamna thu in note ang kamciem lametna panin kihei loin, na upna uh na zop suoh uleh cina hi a, vansin nei-a a om a kipiengsah zosiete tungah a kitangko hi. Keima Paul zong tam lungdamna thu’ nasem khat ka hi hi.
Colosse-te ading Paul’ Lunglutna
24Tu-in keima in note dinga ka thuoh gimnate-ah ka lung a dam a, ka tahsa-a ka thuoh gimnate tawh hlattuom pawlpi ahi ama’ pumpi tangin Khris in a thuoh ding a kisam lai teng thuohin a bukimsah ka hi hi. 25Pasien’ thu a kicing tahin a kithei nadingin note adingin keima tunga ei kipie Pasien’ sawlna dung zui-in a nasem pa khat ka hi hi. 26Tua thuthuh pen a khangkhangin na kiselcip nanle tu hunin ama’ misiengthote tungah ang kipholah ta hi. 27Pasien in tami a minthang thuthuh haunate bangza-in lien ahei, ci Gentile-te le amate tungah a theisah dingin keima ei teel a, note sunga om Khris pen tua thuthuh a minthang lametna ahi hi. 28Khris sungah mi zosie a picingsa-a ka pieh thei nadingun pilna namkim tawh mi vannuoi tungah genkholin, thu hilin ka tangko pen uh ama ahi hi. 29Tami thu adingin Khris in keima sunga ei guot ahi ka thahatna teng zosie tawh na semin ka hanciem hi.
Currently Selected:
COLOSSE-TE 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
