2 JOHN 1
1
Hopina
1Khangham pa in, thuman thutah sunga ka it, kei beh hi loin thuman a thei mi zosie in zong a it, 2kote sunga a om, le kote tawh ang om zing ding tua thuman thutah ziehin teeltuom upa nu le a tate tungah:
3Pa Pasien le Pa’ Tapa Jesu Khris tung panin#1:3 Adang tang laibute ah “Topa” kibelap hi. hepina, khuotuona le lungnopna in thuman thutah le itna tawh eite ei ompi ding hi.
Thuman Thutah le Itna
4Pa in eite ei thupieh bang lienin thuman thutah sungah na tate pawlkhat a kalsuon uh ka mu ziehin ka kipah mama hi. 5Ahi vangin numei aw, tu-in na kungah thupieh tha ang giel dan ka hi sih a, a kipat cil a kipan i neisa uh thupieh pen ma tawh khatlekhat ki-it bo vai ci-a ang thum ka hizaw hi.#Jhn 13:34; 15:12, 17 6Ama’ ei thupiehte banga i zuina pen itna ahi hi; note in a kipat cila na zahsa uh bang lienin itna sungah na kalsuon un, ci thu pen thupieh ahi hi.
7Cilesa sungah Jesu Khris ang pei zo hi, ci thu a sang lo misol tampi, leitungah ang pieng zo ta hi. Tua bang a gen mi poma misol ahi a, anti-khris ahi hi! 8Note in ka#1:8 Adang tang laibute ah “na” ci-in kigiel hi. bawlsa uh nate mansuo loin thaman a kimtaha na san thei nadingun na kidawm un. 9Khris’ thuhilna-ah kip loin a valkai pei zosie Pasien nei lo ahi hi; a thuhilna-a a kip poma in Pa le Tapa a neiton ahi hi. 10Note kungah mi khatpo ang pei-in tami thuhilna ang vom sih leh na hopi sih unlen, na inn vuah zong na tungsah sih un. 11Azieh pen khum bang mipa hopina pen ama’ gitlo nasepna sunga kihalna ahi hi.
A Nukhia Hopina
12Na kung vuah giel ding tampi ka nei vangin laitui le laikung zang zaw loin, tua sangin i lungdamna a kicin thei nadingin na kung vuah hing haw-in kimutuo-a i kiho ding ka lamen hi.
13A kiteel na sanggam nu’ tate in note ang noset uhi.#1:13 Adang tang laibute ah “Amen” kibelap hi.
Currently Selected:
2 JOHN 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
