2 TIMOTHY 1
1
Hopina
1Khris Jesu sunga om hinna kamciem tawh kizui-in Pasien’ deina tawh Khris’ sawltahpi ahi Paul in,
2Pa Pasien le i Topa Jesu Khris tung panin hepina, khuotuona le lungmuonna in ka it ka tapa Timothy tungah hing tung taheh.#Sawl 16:1
Lungdamkona le Hanthotna
3Ka thungetna ah sun le zanin nang kang phaw zing ciengin, ka pu ka pate ma bangin lungsim siengtho tawh a na ka seppieh Pasien tungah lungdam thu ka tut hi. 4Lungnopna tawh ka kidim thei nadingin na hlitui luonnate phawhkia-in kang mu ding kal ka ngahla mama hi. 5Lungsim tahpi tawh na upna ka phawh a, na pi Lois le na nu Eunice sungah tua upna na nungta masa-in, tu-in nang sungah ang nungta hi, ci thu ka theicien hi.#Sawl 16:1 6Tam thu ziehin nangma tungah khut kang ngahna tungtawnin keima in na sunga a om Pasien’ letsong na kuontawkia ding kang phawhsah hi. 7Bangzieh ahei cile Pasien in meipuona lungsim ei pie sih a, vanglietna, itna, le ki-uh zawhna lungsim ei pie hizaw hi.
8Tua ciengin i Topa’ thu tecipanna maizumpi loin, ama zieha thongkie ahi keima zong ei maizumpi sinlen, Pasien’ vanglietna tungah kingam kawmin lungdamna thu adinga ka genthei thuohna ah ei thuohpi zaw in. 9Ama in eite’ nasepna zieh hi loin ama’ ngimnasa bangin a hepina ziehin eite ei hundamin a siengtho hlatna tawh ei hlan hi. Tami hepina pen leitung pien masang Khris Jesu sunga ei piehsa ahi ta bo hi. 10Hizongle sina sumaimang a, lungdamna thu ziehin hinna le si thei lona a kilangsah i hundam pa Khris Jesu ang kilahna tungtawnin tu-in tua hepina ang kilang zo hi. 11Tami lungdamna thu adinga a tangkopa, sawltahpi le siepa dinga ei kisesa ahi a,#1Tim 2:7 12tami thu hang tawh ka sep banga a thuoh ka hi hi. Hizongle ka mai a zum sih hi, bangzieh ahei cile ka up pa ka thei a, ama tunga ka silpiehte zong ama in khum Ni dongin ei keppieh zo ding hi, ci ka cienthei hi. 13Keima tung pana na zahsa thuhilna dihte, Khris Jesu sunga a om upna le itna sungah pomkip in. 14Ei sunga a teng Hlagau Siengtho thahatna tawh nangma tunga ang ki-ap tua sil hoi kemcing in.
15Asia gam sunga om zosie in kei ei taisan vua, tuate lahah Phygelus le Hermogenes-te zong kihal hi, ci thu na thei uhi. 16Onesiphorus innkuonte tungah Topa in khuotuona pie taheh, azieh pen ama in ei thahatsah ngitnget a, ka thongkiehna zong ei maizumpi sih hi. 17Rome ah ama ang tun ciengin keima ei sui-in ei mu pai hi. 18Khumi ni ciengin Topa kung panin ama in khuotuona a mu thei nading Topa in pie taheh! Ama in Ephesus khuo ah kei adingin bangza tahin ei seppieh ahei ci thu na theisa ahi hi.
Currently Selected:
2 TIMOTHY 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
