1 TIMOTHY 6
6
1Pasien’ min le thuhilna a kigensiet lo nadingin sila hahkol nei-a a om zosiete in a pute tungah zatahna zosie pieh tah hi, ci-in ngaisun uheh. 2Thu um mi pu-a a neite in hlattuom pawlpi mi#6:2 Gk “sanggamte “ ahina hang utawh amate zatah loin om tuon sih uheh; amau’ nasepna a phattuompite pen thu um mite le a itte uh ma ahi ziehin a hoizaw sema amau’ na a seppieh ding uh hizaw hi.#6:2 Ahi sihle “amate pen nasep hoi sem dinga kipumpieh thu um mite le a ki-itte ahi ziehun”
A Dihlo Thuhilna le a Dih Hauna
3Tami tavuonte hilin na hansuo ding hi. Pasien’ mi hina tawh kituohin a siengtho i Topa Jesu Khris’ thute le thuhilna a sang thei lo mi poma pen 4a kihisah ahi a, bangma thei lo mi ahi hi. Tua bang mi poma thu kiselna le kinielna lamah lunggulna man lo a neite ahi uhi. Tua teng panin kithangsietna, kihauna, kigensietna, a hoi lo lama ki-upmawnate, 5le lungsim sie nei-in thuman thutah a pom lo, Pasien’ mi hina pen hau theina ding lampi-a a ngaisun mite lahah kihau kiselna lienpi a pieng hi.#6:5 Adang tang laibute ah “Tua bang mite panin no le no kihemkhie un” ci-in kibelap hi. 6Lungkimna tawh a kikop Pasien’ mi hina pen metna lienpi hi tahpi hi. 7Bang ding ahei cile eite in leitungah bangma i keng sih vua, tua panin zong bangma i puo thei sih uhi; 8hizongle anneh ding le puonsil ding i nei nah po leh tuate tawh i lungkim ding uhi. 9Ahi vangin a hau nuom mite pen ze-etna sungah a pua vua, a motvai le a siesah thei lunggulna tampite sungah awhcipin, tuate in sietna le suhsietna sungah a lutpi hi. 10Bang ding ahei cile sum deigawna in sietna namkim’ zungpi hi a, a hau nop luotna ziehun upna panin mi pawlkhat pielin lungkhamna tampi a thuohlaw uhi.
Upna-ah Galdona Hoi
11Hinanle Pasien’ mipa aw, nang in tam thu zosie na pel in; dihna, Pasien’ mi hina, upna, itna, thuohzawhna, le lungnemna na del in. 12Upna galdona hoi na do in; kumtawn hinna na tukip in, tami dinga ang kihlan ahi a, nang in teci tampite mai-ah a hoi pulahna na bawl zo hi. 13Na zosie tungah hinna a pie pa Pasien mai le Pontius Pilat mai-ah pulahna hoi bawlin teci a pang pa Khris Jesu’ mit mu-in,#Jhn 18:37 14i Topa Jesu Khris ang kilahkia masangsie mawsahna le genbanna om loin a thupiehte na zui nadingin thu kang pie hi. 15Kumpite’ Kumpi, topate’ Topa, thupha nga-in Thunei pen pa ahi ama beh in hun a sah ciengin ang piengsah ding hi. 16Ama beh a si thei lo le a kineh thei lo khuovah sunga a teng pa hi a, koima in ama mu ngai loin zong mu thei lo hi; ama tungah patawina le kumtawn uhna om taheh. Amen.
17Tu huna mihaute ahile kisathei loin a kicien lo haunate tungah a lametna uh zong nga loin, i lungnop thei nadingin sil bangkim kicing taha ei sih pa Pasien tungah a ngah zawh nadingun amate thu pie in. 18Amate in sil hoi bawlin a pha tampi sem a, a neisate uh phalna tawh mi a hop thei nading uh ahi hi. 19Ang tung ding hun adingin amate mama in tua bangin bulkip hoi gougil khat khol uheh, tua hile amate in tua hinna tahtah a tukip thei ta ding uhi.
Mimal Thuhilnate le Thupha Piehna
20Timothy aw, nang tunga ang ki-apsa thute kemsiem in. A siengtho lo kamham le a man lopi-a thu theina a kici kiniel kiselnate na pel in; 21bangzieh ahei cile mi pawlkhatte in tua bang pilna nei-in a kingaisut ziehun upna laigil panin a pielmang ta uhi.
Note tawh hepina hing om taheh.#6:21 Adang tang laibute in “Amen” belap hi.
Currently Selected:
1 TIMOTHY 6: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
