2 THESSALONICA 2
2
Thukham Palsat Mipa
1Sanggamte aw, i Topa Jesu Khris ang peikia ding vai le ama kungah eite i kikaituo nading vai tawh kisai-in,#1Thes 4:15-17 2Topa’ ni ang tung ta hi, ci-in hlagau zieh ahiei, thu kigensawn zieh ahiei, ahi sihle ko kung pana ang pei dan a kibawltawm laihahte ziehin ahiei, lunghimaw-in na patau pai lo nadingun na tung vuah kang thum hi. 3Lam khat popo-ah koima in kisolsah sih un; azieh pen ledona ang tung masa-in, manthaina#2:3 Gk “manthaina’ tapa” thuoh dinga laitansa ahi thukham palsat pa#2:3 Gk “Thukham palsatna mipa”; adang tang laibute ah “mawnei mipa” ci-in kigiel hi. ang kilah masangsie-in tua ni ang tung sih ding hi. 4Ama in pasien a kici zosie le a kibie zosie langpangin ama le ama kitawisang ding a, tuaci’n Pasien’ biehinnpi sungah ama to-in Pasien ka hi hi, ci-in ama le ama kipulah ding hi.#Dan 11:36; Ezk 28:2 5Note tawh kang opton lai-in na kung vuah tam thute kang gen na phawh nawn sih uh amah? 6A hun ang tun ciengin ama ang kilah thei nadingin, bang in ama kham ahei, ci thu na thei uhi. 7Bangzieh ahei cile tua thukham palsatna thuthuh in na sem zo a, ahi vangin tu-a ama a khamcip pa a kihep masangsie-in ama in khamcip lai ding hi. 8Tua ciengin thukham palsat pa ang kilang ding a, Topa Jesu#2:8 Adang tang laibute ah “Jesu” ci om lo hi. in a kam panin ama’ huu tawh ama susie ding a,#2:8 Adang tang laibute ah “netum” ci-in kigiel hi. ama ang peina zieha a kilahna tawh ama sumaimang ding hi.#Isa 11:4 9Vanglietna zosie, limte, le a lamdang solnate a zang Satan’ nasepna sungah thukham palsat pa ang pei ahi lamtah kilang a,#Mat 24:24 10a kisie ding mite in hutdam hi thei nadingin thuman thutah pom ding a nuol ziehun solna namkim a thuoh ding uhi. 11Tam thu ziehin amate in zuouthu a up nadingun Pasien in amate tungah solna lienpi tungsah a, 12tua thuman thutah um loin, thuman lona sungah nuom a sa mite zosie tungah mawsah thukhenna a tun thei nading ahi hi.
Hutdam Nga dingin Kiteel
13Ahi vangin Topa’ ang it sanggamte aw, Hlagau kisiensuona tungtawn le thuman thutah na upna uh tungtawnin hutdamna nga nadinga ga masa#2:13 Adang tang laibute ah “a kipat cila panin” ci-in kigiel hi. dingin Pasien in note ang teel ziehin, note adingin Pasien kungah lungdam ka ko zing ding uh ahi hi. 14Tami ngimna ziehin note in Topa Jesu Khris’ minthanna na nga thei nadingun ama in ka tangko uh lungdamna thu tha#2:14 Ahi sihle “kote’ lungdamna thu tungtawnin” tungtawnin note ang hlan zo hi. 15Tua ahi ciengin sanggamte aw, note in kam tawh hile, lai tawh hile kang hilsa uh ngainate pomdetin kiptahin ding un.
16Tu-in i Topa Jesu Khris mama le eite ei it a, kumtawn henepna le hepina tungtawnin lametna hoi ei pie pa i pa uh Pasien in, 17na lungsimte uh hing henem hinlen, thu hoi le nasep hoi namcin-ah hing thakhausah taheh.
Currently Selected:
2 THESSALONICA 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
