2 THESSALONICA 1
1
Hopina
1Paul, Silvanus le Timothy-te in,
i Pa Pasien le Topa Jesu Khris sunga a om Thessalonica khuo hlattuom pawlpite tungah lai kang hlah uhi.#Sawl 17:1
2I Pa Pasien le Topa Jesu Khris tung pan hepina le lungnopna in note tungah ang tung taheh.
Lungdamkona
3Sanggamte aw, na upna uh nahpi tahin khangin khatlekhat na ki-itna uh zong khang semsem ahi ziehin, note adingin Pasien tungah lungdam ka ko zing ding uh a kilawm ahi hi. 4Tua ahi ziehin note in na thuoh uh bawlsietna le gimna zosie-ah thuohzawhna le upna nei na hi ziehun komate ma zong Pasien’ hlattuom pawlpite lahah ka na kisiel uhi.
Khris Ang pei Cienga Thukhenna
5Tami thute in Pasien’ manggam tawh a kilawm dinga note ang kibawl sawmna ahi a dih Pasien’ thukhenna kilangsah a, note in zong tua thute zieha na thuoh uh ahi hi. 6Bangzieh ahei cile note ang gentheisah mite tungah Pasien in gentheina ma tawh thuhkia valon ding a, 7Topa Jesu in vantung panin a thahat a vantung mite tawh ang kilat ciengin gimna a thuoh note le kote tungah zong tawldamna ei piehton ding pen a thuman hi a, 8Pasien a thei lo mite le i Topa Jesu’ lungdamna thu a mang lo mite, meikuong sungah phulahna tawh a thuhkia ding hi. 9Topa opna pan le a thupi ama’ vanglietna panin tam mite kikhenkhie-in tawntung sietna dan a thuoh ding vua,#Isa 2 10a misiengthote ziehin minthanna nga dingin ang pei ciengin note kunga ka teci pan uh a ki-up ziehin tua ni ciengin ama a umsa mi zosiete lahah lamdang kisa ding hi. 11Tam thu a tangtun nadingin i Pasien in ama’ hlatna tawh kituohin hing siemin, a vanglietna tawh na lunggulna hoi zosie ule upna nasep hoite ang kicinsah thei nadingin note adingin thu ka ngen zing uhi. 12Tuaci’n i Pasien le i Topa Jesu Khris’ hepina tawh kizui-in note sungah i Topa Jesu minthangin, ama sungah note na minthan thei nading uh thu ngen zing ka hi uhi.
Currently Selected:
2 THESSALONICA 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.