1 THESSALONICA 5
5
1Sanggamte aw, tu-in a ni le a hun tawh kisai-in bang khatpo gielpieh na ngai sih uhi. 2Bang ding ahei cile zanlai-a guta bangin Topa’ ni ang tun ding noma ma in na theitelsa uh ahi hi.#Mat 24:43; Luk 12:39; 2Pet 3:10 3Amate in, “Kilemna le lungmuonna om hi,” a ci laitahun numei gai khat takei natna in a tut bangin amate tungah thakhatin sietna tung ding a, a suohta koima a om sih ding hi. 4Ahi vangin no kang itte#5:4 Gk “sanggamte” aw, khuomiel sunga om na hi lo ziehun tua ni in guta bangin ang phawng sih ding hi; 5azieh pen note zosie khuovah tate le sunlai tate na hi uhi; eite pen zanlai tate ahi sihle khuomiel tate i hi sih uhi. 6Tua ahi ciengin midangte bangin kimu loin, khangloin pilvangin om vai. 7Azieh pen a kimu mite zanin kimu a, zukham mite in zanlai-in zu a kham uhi. 8Hizongle sunlai tate i hi lang kalsie uh pilvangin upna le itna awmdal bulin, sialukhu bangin i lamet uh hutdamna khu vai.#Isa 59:17; Eph 6:13-17 9Bangzieh ahei cile eite pen Pasien in a thangpaina thuoh dinga ei laitan ahi sih a, i Topa Jesu Khris tungtawnin hutdamna nga dinga ei laitansa i hizaw uhi. 10Eite i khanglo a, i kimu zongin ama tawh i hinton thei nadingin eite adinga ama ang si ahi hi. 11Tua ahi ziehin tu-a na bawl bang lienun note khatlekhat kihanthawnin na kilamkip ciet un.
A Tawpna Hanthotnate, Hopinate le Thuphapiehna
12Ahi vangin sanggamte aw, noma lahah nasep a pawnthaw mite, Topa sungah ang cingte le ang thuhil mite na zatah nadingun kang thum uhi; 13a nasepna uh ziehin itna sungah amate nahpitahin na thupi bawl un. Nomate lahah zong kilemna na omsah un. 14Kang itte#5:14 Gk “sanggamte” aw, mi thasiete thu hil unlen, a lungneu mite tha pie-in, a thanem mite panpi a, amate zosie tungah na lungsau nadingun kang hanthawn hi. 15Koima khat beh in sietna pen sietna ma tawh thuhkia loin, khatlekhat tung le mi zosie tungah na hoi sep ding hanciemin na nei zingzaw un. 16Lungdam zing unlen, 17thu ngen zing un; 18a pieng na vannuoi-ah lungdamna ko un; azieh pen tua khu note adinga Khris Jesu sungah Pasien’ deina ahi hi. 19Hlagau na sumit sih un. 20Kamsangte’ gen thute#5:20 Gk “kamsannate” simmawbawl sih unlen, 21sil bangkim sittel pha un; thu hoite na tukip un; 22sietna namkim pel un.
23Lungmuonna Pasien mama in note hing siengthosah sinsen#5:23 Ahi sihle “bukim hinlen, i Topa Jesu Khris ang pei ciengin na hlagau uh, na lungsim ule na pumpi uh nuol bei-in hing kem taheh. 24Note ang hlan pa Pasien muonhuoi a, ama in tua khu ang sem ding hi.
25Kang itte#5:25 Gk “sanggamte” aw, kote adingin thu ei ngetpieh un. 26A siengtho kinapna tawh sanggamte zosie na noset un. 27Amate zosie tungah#5:27 Gk “sanggamte zosie tungah” tami kang laihlah na sim un, ci-in Topa’ min tawh lipkhap tahin thu kang pie uhi. 28I Topa Jesu Khris’ hepina note tawh hing om taheh.#5:28 Adang tang laibute ah “Amen” kibelap hi.
Currently Selected:
1 THESSALONICA 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
