1 JOHN 5
5
Upna in Leitung Zo
1Jesu in Khris#5:1 Ahi sihle “Messiah “ ahi hi, ci-a a um poma Pasien’ piensah mi hi a, nulepa a it poma in zong a ta a it hi. 2Pasien itin ama’ thupiehte i zui ciengin eite in tami tawh Pasien’ tate i it lam i thei uhi. 3Azieh pen Pasien i itna i ci in ama’ thupiehte i zuina ahi hi. Ama ei thupiehte zong a zuiha ahi seng sih hi.#Jhn 14:15 4Bangzieh ahei cile Pasien’ piensah mi poma in leitung a zo hi. Leitung a zo guolzawna i ci pen eite’ upna ahi hi. 5Jesu in Pasien’ Tapa hi, ci-a a um mi simlo leitung a zo koi ahei?
Pasien’ Tapa Tungtang Teci Panna
6Tui le sisan tawh ang pei pa in Jesu Khris ahi a, tui beh tawh hi loin, tui le sisan tawh ang pei hi. Tua teci pang pa pen Hlagau ahi hi, azieh pen tua Hlagau pen thuman thutah ahi hi. 7Teci pang#5:7 Adang tang laibu tawmkhatte ah (a kilaihnate tawh) “Vantungah teci a pang thum, Pa, Thu, le Hlagau Siengtho om a, tua thum teng pen khat ahi hi. Tuale leitungah teci a pang thum a om hi” ci-in kigiel hi. thum a om hi: 8Tua teng pen Hlagau, tui le sisan ahi a, tami thum teng a kithutuoh uhi. 9Eite in mihing teci panna sang thei i hi leh Pasien’ teci panna pen a lienzaw ahi hi. Azieh pen Pasien in tu-a bangin a Tapa’ thu teci a pang hi. 10Pasien’ tapa a umte in a lungsim sung vuah teci panna a nei uhi. Pasien#5:10 Adang tang laibute ah “Tapa” ci-in kigiel hi. a um lote in Pasien in a tapa tungtang teci a panna um lo uh ahi ziehin ama zuougen a suohsah uhi. 11Tuale tami pen teci panna ahi hi: Pasien in eite kumtawn hinna ei pie a, a Tapa sungah tami hinna a om hi.#Jhn 3:36 12Tapa a nei poma in hinna a nei hi; Pasien’ tapa a nei lo poma in hinna a nei sih hi.
Thukhupna
13Pasien tapa’ min a um note in kumtawn hinna na nei lam uh na thei nadingun note tungah tami thute kang giel hi.
14Ama sunga i nei uh lungmuonna pen tami ahi a, eite in ama’ deina tawh kituohin na khatpo i nget nah leh ama in ei za hi. 15I nget khat popo ei za hi, ci i thei leh ama kunga i nget popo i nga zo hi, ci i thei hi. 16Na sanggampa in sina dong ding ahi lo mawna a bawl na mu leh thu na nget pieh ding a, Pasien#5:16 Gk “ama “ in sina dong ding ahi lo mawna bawlte tungah hinna a pie ding hi. Sina dong a tun mawna a om hi; tuate adingin thu nget pieh in a ci ka hi sih hi. 17Gamtat khielna zosie mawna hi a, hinanle sina a tun lo mawna a om hi.
18Pasien’ piensah mite in mawna a bawl sih hi, ci thu eite in i thei a, Pasien’ piensah mipa in amate kemcing ahi ziehin gilo pa in amate a thamkha sih hi. 19Pasien’ tate i hi lam le gilopa’ uhna sungah leitung mi zosie a op lam eite in i thei hi. 20Eite in ama a thuman#5:20 Adang tang laibute ah “ “a thuman Pasien thei” ci-in kigiel hi. ahi lam i thei nadingin Pasien’ Tapa hing pei zo a ci le theitheina ei pie zo ci zong i thei hi; eite i hi uleh tua a thuman a Tapa Jesu Khris sungah i om uhi. Ama pen a thuman Pasien le tawntung hinna ahi hi.
21Ka tanote aw, milimte panin no le no na kikem un.#5:21 Adang tang laibute ah “Amen” kibelap hi.
Currently Selected:
1 JOHN 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
