1 TIMOTHY 5
5
Thu um Mite Tunga Tavuonte
1Nang sanga a khanghamzawte#5:1 Ahi sihle “upa khat “ khautahin hopi sinlen, pa bangin hopi zaw in. A khangdawng zawte zong sanggam bangin hopi in. 2Siengthona tahtah tawh a tazaw numeite na nu bang in hopi inlen, a khangdawng zaw numeite sanggam nu bangin hopi in. 3Meigong tahtahte na zatah bawl in. 4Meigong khat in tate ahi a, tute ahi zongin a nei leh a nu a pate tungah lungdam a thuhkia thei nadingin a innkuon sung vuah a biehna utawh kisai a mawpuohna uh sin masa phot uheh; bangzieh ahei cile tami in Pasien a lungkimsah hi. 5A kem a khoi ding om loin ama tanga kinuasie meigong tahtah numei nu in Pasien tungah a lametna nga a, sun le zanin thu ngetna le thumna nei ngitnget hi; 6ahi vangin noptatna lamah a nungta numei nu ahile a hin sung nangawnin a si zo ahi ta hi. 7Amate a kimawsiet thei lo nadingin amate tungah tam thute gen sawn in. 8Mi khatpo in a tanaute, a diehdiehin a innkuonpite a va nuom sih leh upna thu niel ahi a, thu um lo mipa sanga a siezaw ahi hi.
9Meigong numei khat kum sawmguh sangin tawm zaw loin, khatvei beh pasal nei ngaisa ahile meigong sazien sungah khumsah in. 10Ama pen a gamtat hoina zieha phatna a nga mi, a tate mi suo-in zindo a siem mi hi ding a, mi siengthote’ keng silpiehin, cimaw dongtuohte khoi a, vai zosie-ah na hoi sem dinga ama le ama a kipumpieh mi hi teitei ding hi. 11Ahi vangin khangdawng meigongte ahile sazien sunga khum ding niel un; azieh pen a si le sa lunggulna uh khangin pasal a nei nuom kia ciengun Khris a taisan vua, 12tuaci’n a kamciemna masa uh a palsat ziehun amate in mawsah thukhenna a thuoh uhi. 13Tua banah amate in bangma sem loin hun mawh tawpsah ding sinin, inn khat zaw inn khat pei kawikawi-in a vah thapai vua, tuaci’n a hun mawh tawpsah beh hi loin mi gensiet hatin, mi dangte’ thu-ah kikumthaw-in gen dinga kilawm lo thute a gen lai uhi. 14Tua ahi ziehin i langpa’ ei gensiet nading a op lo nadingin khangdawng meigongte in pasal nei-in ta le nau nei a, a inn sung a vaihawm ding ka dei hi. 15Bangzieh ahei cile Satan nua zui dingin pawlkhat a lampiel zo tazaw uhi. 16Thu um numei#5:16 Adang tang laibute ah “thu um pasal ahi sihle numei “; adangte in “thu um pasal” ci-in kigiel hi. khatpo in meigong tahtah tanaute a nei leh amate panpi taheh; tuaci’n hlattuom pawlpite vangih suon loin meigong tahtahte kipanpi thei ding hi.
17Thu vaihawm siem ahi hlattuom pawlpi upate, a diehdiehin thugenna le thuhilna lamah a kukalte pen patawina a za ni pieh dingin kilawm hi; 18azieh pen Lai Siengtho in, “Bawngtang in bu a cil laitahin a nephu na tuom sih ding uhi,” ci a, tua ciengin, “Nasem pa in a thaman a nga ding kilawm hi,” ci hi.#Thkna 25:4; Mat 10:10; Luk 10:7 19Upa khat mawsah nadingin mi ni ahi sihle thum in teci a pan lo buong le thulah ngai sin.#Thkna 17:6; 19:15 20Mawna a bawl paupaute tawh kisai-in adangte a zau thei nadingin mi zosie mai-ah na phawhsie in. 21Huptuom paituom le khentuom nei loin tami thuhilnate na zui nadingin Pasien mai, Khris Jesu mai le a kiteel vantung mite mai-ah thu kang pie hi. 22Mi khatpo tungah na khut nga-in kipsah#5:22 Gk “a tungah khut ngam sin “ paipai sin; midangte mawna-ah kihal loin nang le nang a siengtho-in kikem in.
23Na gilpi ading le na cinat paipai nate a dam thei nadingin tuisih beh dawn nawn sinlen, lenggazu zong tawmtawm na dawn in.
24Pawlkhatte’ mawna pen kilang pai a, thukhenna ah tuate a na matun zo hi, midangte’ mawna in tuate a nuazui hi. 25Tua ahi ziehin gamtatna hoite zong a kilang pai sinsen hi; a kilang lote nangawn zong kiphuol suoh zo tuon lo hi.
Currently Selected:
1 TIMOTHY 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
