1 TIMOTHY 4
4
A Man lo Pumpi Kidehnate
1Tu-in Hlagau in kicientahin a gen thu in, hun nukhia ciengin mi pawlkhat in upna thu taisanin zuou thei hlagaute’ thugen le dawite’ thuhilnate a mang ding uhi. 2Tam banga thuhilna pen sia-emsa tawh a lungsim uh a kihalgawsa zuou thugente’ kineitawmna tungtawna ang pieng ahi hi. 3Amate in kiten kipinate a kham vua, thuman thutah thei-in a um mite in lungdamkona tawh a san zieu ding vua Pasien in a piensah ante a tan nadingun thu a pie uhi. 4Azieh pen Pasien’ piensah na vannuoi hoi a, lungdam kona tawh a kisan nah leh niel ding khat zong a om sih hi; 5bangzieh ahei cile tuate pen Pasien’ kammal le thungetna tawh a kisiengsahsa ahi hi.
Khris Jesu’ Nasem Hoi
6Na zuisa upna thu le thuhilna hoite tawh kiva-in sanggamte kungah tami kithuhilnate na gen nah leh Khris Jesu nasem#4:6 Ahi sihle “upa “ hoi khat na hi ding hi. 7Pasien’ thu tawh a kituoh lo a mothuoi tangmite le pivuoite’ gen tangmite tawh kisaw kha sin. Pasien’ mi hina lamah nang le nang kisin in. 8Bang ding ahei cile pumpi kisinna in phattuomna pawlkhat nei a, ahi vangin Pasien’ mi hina in tuhun hinkhuo ding le ang tung ding hinkhuo adingin kamciem a nei ziehin na zosie ah a manpha hi. 9Tami pen a buppi-in san dinga a kilawm a muonhuoi thu kigen khat ahi hi. 10Azieh pen eite in mi zosie, a diehdiehin a um mite’ Hundampa tungah i lametna uh i koi ziehun, tami thu-ah na semin nahpi tahin i hanciem#4:10 Adang tang laibute ah “hosietna a thuoh uhi” ci-in kigiel hi. uhi.
11Tami thute hil inlen na hawmsawn in. 12Koima in na khangnona kisimmaw sah sinlen, kamhamna, gamtatna, itna, upna le siengthona lamah thu um mite ette dingin na om in. 13Kang pei masangin mipite mai-ah Lai Siengtho simna, hanthotna le thuhilnate na pawnthaw in. 14Kamsanna tungtawnin upate in khutngahna tawh na tunga ang kipie letsong thudon loin om sin. 15Mi zosie in na khantona a mu thei nadingin tami thute-ah nang mama kipumpiehin kisin in. 16Nang mama kikepsiemin na thuhilnate-ah pilvangin; tami thute zomsuoh in, bangzieh ahei cile tam banga na bawlna ziehin nangma le na thugen a za mite na hunkhie ding hi.
Currently Selected:
1 TIMOTHY 4: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
