1 TIMOTHY 3
3
Hlattuom Pawlpi Siete Nei ding Thute
1Mi khatpo in hlattuom pawlpi sie panmun a lunggul leh nasep thupi sem nuom ahi hi, ci-a na kigen khu thuman ahi hi. 2Hlattuom pawlpi kem siepa pen genbang lo mi, zi khat beh a nei mi,#3:2 Gk “zi khat beh a nei pasal” a kideh zo mi, a pilvang mi, a zatahhuoi mi, zindo siem mi, thuhil siem mi, 3zukham lo mi, ngongtat loin a nunnem mi, mi tawh a kihau nuom lo mi, le sumlepai lamah a duhop lo mi hi ding hi. 4A innkuon sungah vaihawm siem ding a, sil bangkimah zatahna tawh a tate a thunungsah mi hi ding hi. 5Azieh pen mi khat in ama’ innkuon sung vaihawm zie ding a thei sih leh Pasien’ hlattuom pawlpi bangci kep thei ding ahei? 6Ama pen a piengtha cil mi hi lo ding hi, tua hi sihle ama kiphasahin dawimangpa ma bangin thukhenna a thuoh ding hi. 7Tua tham loin a mindai lo nading le dawimangpa’ thangah a aw lo nadingin a pulam mite’ zatah mi hi pelmaw ding hi.#Titu 1:6-9
Hlattuom Pawlpi Upate Nei ding Thute
8Tua ma bangin upa dingte zong a zatahhuoi mi, thu a legen kawikawi lo mi, zu hai lo mi, sumlepai lamah a huoiham lo mi hi ding hi; 9amate in kitheina lungsim siengtho tawh upna thuthuh tukip ding uhi. 10A masa-in amate kisittel phot uheh; tua zaw ciengin amau le amau genbang lo a kisah uleh upa sem ta uheh. 11Tua ma bangin numeite#3:11 Ahi sihle “Amau’ zite”, ahi sihle “Numei upate” zong a zatahhuoi mi, mi gensiet hat lo mi, sil bangkimah pilvangin a muonhuoi mi hi ding hi. 12Hlattuom pawlpi upate pen zi khat beh nei mi#3:12 Gk “ zi khat beh a nei pasalte” hi hinlen, a tate le a innkuonpite hoitahin uh ta uheh; 13azieh pen hlattuom pawlpi upa hoitaha a semte in mite’ zatahna nga a, Khris Jesu sunga a om upna thu ah zong hangsanna lienpi nga uhi.
I Biehna’ Thuthuh Lienpi
14Na kung vuah ang haw bai dingin ka kilamen a, ahi vangin na kung vuah tam thuhilnate kang giel hi. 15Kang kiheh khah tah lezong note in thuman thutah’ khuompi le bulkip ahi a hingzing Pasien’ innkuon sungah bangci gamtat ding ci thu na thei ding uh ahi hi. 16Upla huoi lo a lien mama i biehna thuthuhpi in:
Tahsa-in ama hing kilangin,
hlagau#3:16 Ahi sihle “Hlagau” sungah dih hi, ci-in na kilah a,
vantung mite in mu-in,
Gentile-te lahah kitangko a,
leitung muncin tengah ki-umin,
minthanna tawh ama kilato hi.
Currently Selected:
1 TIMOTHY 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
