1 TIMOTHY 2
2
Thungetna Tawh Kisai Thuhilna
1Tua ciengin amasa penin note in mi zosie ading ngetnate, thungetnate, thumpiehnate le lungdamkonate na bawl ding uh kang hanthawn hi. 2Eite in Pasien’ mi hina le zatah huoina ah lungmuong tah le kilem tahin i hinkhuo i man thei nadingun kumpite le thunei zosiete adingin thu ngetpieh un. 3Tam pen thudih ahi a, eite’ hundam pa Pasien muna-ah a sanhuoi suohin, 4mi vannuoi in hutdamna nga-in, thuman thutah a theikim ding uh ama in a dei hi. 5Azieh pen
Pasien khat beh a om hi;
Pasien le mihingte kikalah zong palai khat beh om a,
tua khu mihing ma ahi Khris Jesu ahi hi.
6Ama in mi zosie tat nadingin ama le ama kipie a,
tua teci panna thu pen a hun lienin kipie hi. 7Tami adingin keima tangko pa le sawltahpi dingin ei kise zo a, (zuouthu gen loin thutah#2:7 Adang tang laibute ah “Khris sungah” kibelap hi. a gen ka hi hi), kei pen upna le thutah ah Gentile-te’ siepa ka hi hi.#2Tim 1:11
8Tua ahi ciengin mun zosie-a om pasalte in lungthah kisel cite om loin khut siengthote lamto-in thu a nget ding uh ka dei hi. 9Tua ma bangin numeite zong opdan siemin puonsil nihten a kituoh a kilawm tawh kizem uheh, samtumna, ahi sihle ngun le kham le puon manham pipite tawh kizepnate nei loin,#1Pet 3:3 10Pasien ka zatah hi, a ci numeite dinga a kilawm pen ahi nasep hoite tawh kizemzaw un. 11Numei#2:11 Ahi sihle “zi” in thumanna bukim tawh sip dide-in thu sin ta uheh. 12Numei#2:12 Ahi sihle “zi” in pasal#2:12 Ahi sihle “a pasal” tungah thuhilin uhna aana a nei ding ka phal sih hi; ama pen a sip dide ding ahi bo hi. 13Bangzieh ahei cile Adam kipiengsah masa a, tua zaw ciengin Eve kipiengsah hi.#Pien 2:7, 21-22 14Adam na kisol lo a, numei na kisolin mawnei na suoh hi.#Pien 3:1-6 15Hizongle numei in opdan siemin upna, itna, le siengthona a nei suoh po leh nau neina tungtawnin ama hutdamin a om ding hi.
Currently Selected:
1 TIMOTHY 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
