1 THESSALONICA 3
3
1Tua ahi ziehin ka thuoh zawh nawn vawt lo ciengun, Athen khuo-a om suoh dingin ka khensat ta uhi;#Sawl 17:15 2tuale na upna uh ang thakhausah ding le ang hanthawn dingin Khris lungdamna thu tangkona#3:2 Gk ah “tangkona” ci om lo hi. ah Pasien’ na ka seppi uh i sanggam pa Timothy kang sawl vua, 3tua pen bawlsietnate ziehin koima na linglawn lo nading uh deina ahi hi. Kote ka hi ule tam bang bawlsietna a thuoh dinga laitansa ka hi lam uh na theisa uh ahi hi. 4A tahtahin, note tawh i opton lai-in bawlsietna ka thuoh ding uh kang magensa uh ahi ta bo hi; na thei ma bangun tua bangin ang pieng mintah hi. 5Tami thu hang tawh ka thuoh zawh nawn lo ciengin na upna uh a kan dinga ama kang sawl ahi hi; mi ze-et pa in lam khatpo tawh note hing ze-et in ka sep gimnate uh a mawhna a suo khah ding ka lunghimaw hi.
Thalawphuoi Timothy’ Thupuoh
6Ahi vangin tu-in no kung panin ko kungah Timothy ang tung pan lien ahi a, ama in ko tungah na upna ule nei itna uh lungdamna thu thate ei puoh hi. Note kang munop ma bangun note in limtahin kote ei phawhin nei munopna thu zong ama in ei gen zo ta hi.#Sawl 18:5 7Sanggamte aw, tami thu ziehin lunggimna le bawlsietna ka thuoh hun sungun note’ upna tungtawnin ka na kihenem uhi. 8Bangzieh ahei cile Topa sungah na dinkip suoh nah po uleh tu-in a hing ka hi ta uhi. 9Pasien mai-ah note ziehin ka lungdamna zosie uh thuhkia nadingin Pasien kungah bangci bangin a kicing lungdamna ko theikia ding ka hi uh ahei? 10Note tawh kimaituo-in upna lamah na kisap popo uh na ngakia thei nadingun sun le zanin nahpi tahin thu ka ngen uhi.
11Tu-in eite’ Pa mama le i Pasien le i Topa Jesu in na kung vua kang haw thei nading uh ma ei pui taheh. 12Note kang it bangun note khatlekhat na ki-itna ule mi zosie na itna uh Topa in hing khangsah taheh. 13Ama’ misiengtho zosiete tawh i Topa Jesu ang pei ciengin, ama in i Pasien le i Pa uh mai-ah paubanna na nei lo nadingun siengthona sungah na lungtangte uh hing thakhausah taheh.
Currently Selected:
1 THESSALONICA 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
