2 PETER 1
1
Hopina
1Jesu Khris’ nasem#1:1 Gk “sila “ le sawltahpi ahi Simeon#1:1 Adang tang laibute ah “Simon” ci-in kigiel hi. Peter in,
i Pa Pasien le hundampa Jesu Khris’#1:1 Ahi sihle “eite’ Pasien le hundampa Jesu Khris “ dihna tungtawnin kote’ upna za ma a ngasa mite tungah lai kang hlah hi: 2Pasien le i Topa Jesu’ thu na theina ziehun note tungah hepina le lungmuonna a kicingin hing tung semsem taheh.
Tapidawte’ Kihlatna le Kiteelna
3Ama’ minthanna le a hoinate tawh#1:3 Adang tang laibute ah “tungtawnin” ci-in kigiel hi. eite ei hlan, ama i theina tungtawnin i nuntah thei nading le Pasien’ mi i hi thei nadingin ama’ Pasien vanglietna in eite kisapna zosie ei pie zo hi. 4Tua bangin ama in eite tungah a manpha le a thupi mama kamciemte ei pie zo a, tua kamciemte tungtawnin lunggulna hang tawh leitunga om kisietnate panin note suohta-in Pasien’ pienzie a neite na suoh ta uhi. 5Tami thu zieh ma-in hanciem thei tawpin na upna uh hoina tawh belap unlen, hoina pen thu theina, 6thu theina pen ki-uhzawhna, ki-uhzawhna pen thuohzawhna, thuoh zawhna pen Pasien’ mi hina, 7Pasien’ mi hina pen khatlekhat ki-itna, khatlekhat ki-itna pen itna tawh na belap un. 8Bangzieh ahei cile tami nate pen nomau-a’ hi a, note lahah tamte ang khan semsem leh i Topa Jesu Khris’ theitelna-ah kimanna nei lona le a ga galonate panin ang kem ding uhi. 9Azieh pen tami nate a nei lo poma muna tom le mittaw hi a, a mawna luite pana a kisiensah zo lam a mangngil ahi uhi. 10Tua ahi ziehin sanggamte aw, note ang kihlatna le ang kiteelna a kip nading na hakat semsem un, azieh pen tam banga na bawl uleh na pua ngai sih ding uhi. 11Tam bang ziehin i Topa le i Hundam pa uh Jesu Khris’ tawntung gam sungah lut thei nading thu a kicing tahin note ang kipie ding hi.
12Tua ahi ziehin note in na theisa ule na kung vua ang tungsa thuman thutah sungah a kip a khosa hinan locin, tam thute ang phawhsah kiakia sawm ka hi hi. 13Tami pumpi#1:13 Gk “puonbuh “ sunga ka op laisie, tam thute kang phawsahkia ding pen thuman hi, ci-in ka ngaisun hi. 14Keima tungah i Topa Jesu Khris in teltahin ei lahsa ma bangin ka sina#1:14 Gk “ka puonbuh phelkhiet ding “ ding ang tung bai ta ding hi, ci ka thei hi. 15Kei ka peikhiet zaw ciengin note in tam thute na phawh den thei nadingun ka hi thei tawpin ka hanciem ding hi.
Khris’ Minthanna Mit tawh a Mute
16Bangzieh ahei cile na kung vuah i Topa Jesu Khris’ vanglietna le ang peikia nading thute kang theisah lai-un, pilvai tawh a kiphuotawm tangmite’ nua po a zuite hi loin, ama’ thupina mit tawh a mute ka hizaw uhi. 17Bangzieh ahei cile Vanglien Minthang Pa in, “Tam pen ka it ka tapa ahi hi, ama tungah ka lung a kim mama hi,” ci-in tua aw a gin lai-in ama in Pa Pasien tung panin patawina le minthanna a sang hi. 18Ama tawh muol siengtho tungah ka opton laitahun koma mama in vantung pana ang pei tami awging ka za uhi.#Mat 17:1-5; Mrk 9:2-7; Luk 9:28-35
19Tuaci’n kote in a kipzaw lai ahi kamsangte’ thugen ka nei uhi. Na lungsim sung vuah zingsol hing suohin khuo ang va masangin khuomiel lahah meivah tang bangin tam thute thupi sim locin hoi ding hi. 20A masa penin note in na tel ding uh thu in: Lai Siengtho sunga genkholna thu poma mi khat guoh’ dei banga lekhiet thei hi lo hi. 21Bang ding ahei cile genkholna khat zong mihing’ deina tawh a pieng ngai sih a, Hlagau Siengtho’ sawlna tawh numei pasal in Pasien kung pana ang pei thute a gen uh ahi zaw hi.#1:21 Adang tang laibute ah “Hlagau Siengtho’ sawlna tawh Pasien’ misiengthote in a gen uh hizaw hi” ci-in kigiel hi.
Currently Selected:
2 PETER 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
