1 JOHN 2
2
Khris, Eite Ei Hupa
1Ka tanote aw, na maw khah lo nadingun tam thute ang giel ka hi hi. Hizongle mi khatpo in mawna a bawl leh eite in Pa tawh a omton hupa Jesu Khris i nei uhi; 2ama pen eite ading beh hi tham loin leitung mi zosie’ mawsut nading biehpiehna zong ahi hi.
3Tu-in ama’ thupiehte i zui leh ama thei i hi lam uh i kitheicien uhi. 4Mi khatpo in, “Ama ka thei zo hi,” a ci vangin ama’ thupiehte a zui tuon sih leh zuouthu gen mi ahi a, tua pa sungah thuman thutah a om sih hi; 5hinanle ama’ thu a zui mi khatpo sungah Pasien’ itna a bukimin a tung tahtah zo hi. Tami thu ziehin eite in ama sunga i op lam i theicien uhi: 6“Ama sungah ka teng hi,” a ci poma in Jesu Khris gamtat banga a gamtat ding ahi hi.
Thupieh Tha
7Ka itte aw, tu-a kang giel pen thupieh tha ahi sih a, a kipat cil pana na neisa uh thupieh lui pen ma ahi bo hi; tua thupieh lui pen na zahsa uh thu ahi hi.#Jhn 13:34 8Ahi vangin keima in ama tung le note tungah thupiehna tha a maan ang giel ka hi hi. Azieh pen#2:8 Ahi sihle “tua “ khuomiel vengin khuovah tahtah ang tang zo ta hi. 9“Khuovah sungah ka om hi,” ci napi a sanggampa a muda poma khuomiel sunga omlai ahi hi. 10A sanggampa a it poma khuovah sunga teng ahi a, tua bang mi#2:10 Ahi sihle “tua sungah “ sungah pua nading a om sih hi. 11Hinanle thu um mi adang khat a muda poma khuomiel sungah omin khuomiel sunga lam pei ahi a, khuomiel in ama mittawsah ahi ziehin a pei nading lampi a thei sih hi.
12Tanote aw, ama’ min hang tawh
na mawnate uh kimaisah zo ahi ziehin, note lai kang hlah hi.
13Pate aw, a cil a kipanin a om pa,
na thei ziehun note lai kang hlah hi.
Khangnote aw, gilopa na zaw ziehun
note lai kang hlah hi.
14Tanote aw, Pa na thei ziehun
note lai kang hlah hi.
Pate aw, a cila a om pa na thei ziehun
note lai kang hlah hi.
Khangnote aw, na tha uh hat a,
na sung vuah Pasien’ thu tengin,
gilopa zozo na hi ziehun
note lai kang hlah hi.
15Leitung le leitunga om nate it sih un. Leitung a it mite sungah Pa itna om lo hi; 16azieh pen leitunga om sil bangkim, cilesa lunggulna, mittang’ deigawna, hauna zieha kisahtheina, cite pen Pasien kung pana ang pei ahi sih a, leitung pana ang pei hizaw hi. 17Leitung le a deigawna mangthai thei a, hinanle Pasien’ deina banga gamtate kumtawnin a kip den hi.
Antikhris-te Hilkholna
18Tate aw, tuhun pen hun nukhia ahi ta hi! Khris langpang ahi antikhris ang pieng ding hi, ci thu na zahsa uh ahi ma bangin, tu-in antikhris tampitah ang pieng zo hi. Tami panin eite in hun nukhia ahi lam i thei uhi. 19Amate pen ei kung pana a peikhie ahi uhi, ahi vangin amate ei pawl ahi sih uhi; ei pawl hi uleh ei tawh ang omton peisuoh ding uhi. Ahi vangin a peikhietna panun amate khat mama zong ei pawl ahi lo lam ei theiciensah hi. 20Ahi vangin Siengtho Pa in note sathau ang nu zo ta a, tuaci’n note zosie in theina#2:20 Adang tang laibute ah “note in na zosie na thei uhi” ci-in kigiel hi. na nei uhi. 21Thuman thutah na thei lo zieh uh hi loin, na thei zieh ma ule tua thuman thutah panin zuouthu a pien lo lam na thei zieh vua ang giel ka hizaw hi. 22Jesu pen Khris#2:22 Ahi ihle “Messiah “ ahi hi, ci-a a nielte simlo zuou thugen i cite koi ahei? Pa le Tapa a niel mite pen antikhris ahi uhi. 23Tapa a niel koima in Pa a nei sih a, Tapa a sang mi zosie in Pa a nei uhi. 24Note in a cil a kipanin na zahsa uh thute na sung vuah tengsah un. Note in a cil a kipanin na zahsa uh thute na sung vua a ten leh Pa le Tapa sungah zong na teng ding uhi. 25Tuale tam pen ama in eite#2:25 Adang tang laibute ah “note” ci-in kigiel hi. ei ciemsa tawntung hinna ahi hi.
26Note ang sol mite tawh kisai-in na kung vuah tam thu teng ang giel ka hi hi. 27Note na hi uleh na sung vuah ama tung pana na nga uh sathau nuna a op den ziehin ang hil ding mi koima na kisam sih uhi. Ahi vangin tua sathau nuna in note thu zosie ang hil bangin tua ang hil thute thuman ahi a, tua pen zuouthu ahi lo ziehin ang hil bang lienin ama#2:27 Ahi sihle “tua “ sungah teng un.
28Ka tanote aw, ama ang kilah ciengin eite in kimuonna nei-in ama ang pei ciengin ama mai-ah i maizum lo nadingin tu-in ama sungah teng un.
Pasien’ Tate
29Note in ama dih hi, ci-a na thei uleh sil dih bawl zosie ama’ piensah ahi hi, ci na thei uhi.
Currently Selected:
1 JOHN 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
