1 JOHN 1
1
Hinna Thu
1A kipat cila na omsa, ka na zahsa uh, ka mit vua ka na musa uh, ka na etciensa ule ka na thamsa uh hinna thu tawh kisai-in note kungah kang gen uhi.#Jhn 1:1 2Tami hinna pen ang kilang zo ta a, kote in mu-in tua thu teci a pang ka hi uhi. 3Note zong kote tawh na kipawlton thei nadingun ka musa ule ka zahsa uh thute no tungah kang tangko hi; a tahtahin kote zong Pa le a Tapa tawh kipawltonin ka om uhi. 4Kote’#1:4 Adang tang laibute ah “note’ ” ci-in kigiel hi. lungdamna a bukim thei nadingin tami thute ang giel ka hi uhi.
Pasien in Khuovah hi
5Kote in ama tung panin ka zah zaw ciengun note tunga kang tangko uh thu in, Pasien pen khuovah ahi a, ama sungah khuomiel a om sih hi. 6Ama tawh kipawlton ka hi hi, ci napi khuomiel sungah i gamtat leh zuouthu gen i hi a, thuman a zui lo i hi hi. 7Ahi vangin khuovah sungah ama ma a op ma bangin eite zong khuovah sungah kalsuonin khatlekhat i kipawlton leh a Tapa Jesu’ sisan in i mawna zosie ei silsieng hi. 8Mawna ka nei sih hi, i ci leh eima le eima a kisol i hi a, i sungah thuman thutah a om sih hi. 9I mawnate uh pulah leih a muonhuoi le a thutang ama in i mawnate ei maisahin i dihlonate zosie ei silsieng ding hi. 10Eite in mawna ka bawl sih hi, i ci leh ama zuou gen i suohsah a, i sungah ama’ thu a om lo ahi hi.
Currently Selected:
1 JOHN 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
