1 JOHN 3
3
1Pasien’ tate ei kici thei nadingin bangza tahin Pa in ei it ahei ci thei un; eite zong lah tua ma i hi pai uhi. Leitung in eite ei thei lona a hang pen ama a thei lo zieh ahi hi.#Jhn 1:12 2Ka itte aw, tu-in Pasien’ tate i hi ta uhi; mai lamah bang hi lai ding i hei, ci ei kilah nai lo hi. Eite’ thei thu pen tami ahi hi: Ama#3:2 Ahi sihle “tua “ ang kilah ciengin ama tawh i kibang ding uhi, bangzieh ahei cile eite in ama ahi bangin i mu ding uhi. 3Ama sungah tami lametna a nei zosie in ama’ sientho bang lienin amau le amau zong siengtho uheh.
4Mawna a bawl poma thukham palsat ahi hi; mawna pen thukham palsatna ahi hi. 5Mawna lakhie dingin ama ang kilang hi, ci thu le ama sungah mawna om lo hi, ci thu na thei uhi.#Jhn 1:29 6Ama sunga a teng koima in mawna a bawl sih hi; mawna a bawl mi koima in ama a mu lo le a thei lo ahi hi. 7Tanote aw, koima in kisolsah sih un. Ama a dih bang lienin a diha gamta mi poma midih ahi hi. 8Mawna a bawl poma dawimangpa’ ta ahi hi; bangzieh ahei cile a kipatcil a kipan dawimangpa pen mawna bawl ahi hi. Dawimangpa’ nasepte a susie dingin Pasien’ Tapa ang kilang hi. 9Pasien’ piensah mite in mawna a bawl sih uhi, bangzieh ahei cile amate sungah Pasien’ khaici a teng hi; Pasien’ piensah mite ahi ziehun amate in mawna a bawl thei sih uhi. 10Tam bang danin Pasien’ tate le dawimangpa’ tate a kilang hi: A dihin gamta loin a sanggamte#3:10 Gk “ama’ sanggampa “ a it lo zosie pen Pasien kung pana ang pei ahi sih hi.
Khatlekhat Ki-it Un
11Note in a kipat cila kipanin na zahsa uh thu ahile khatlekhat i ki-it nading thu ahi hi.#Jhn 13:34 12Gilopa kung pana ang pei a naupa a that Cain i bang sih ding uhi. Tuale bang dinga a sanggam pa a tha ahiei? Azieh pen ama gamtat sie-in a sanggampa a gamtat a dih zieh ahi hi.#Pien 4:8 13Sanggamte aw, leitung in ang muda leh lamdang sa sih un. 14Eite khatlekhat i ki-it ziehin sina kantanin hinna ah i galkai zo ta hi, ci thu i thei hi. Itna a nei lo poma pen sina sunga a omlai ahi hi.#Jhn 5:24 15A sanggam muda zosiete mi that ahi a, mi thatte in tawntung hinna a nei lo lam na thei uhi. 16Ama in eite adingin a hinna ei pieh ziehin tuami tawh itna thu i thei uhi. Eite zong khatlekhat i hinna uh i kipieh ding a kilawm ahi hi. 17Leitung’ haunate nei-in a sanggam khat’ kisapna mu giagua napi a hu nuom lo mi khatpo sungah bangci bangin Pasien’ itna om thei ding ahei?
18Tanote aw, thu le kam beh tawh ki-it loin, thutah sungah sepna tawh ki-it vai. 19-20Tuale tami thu ziehin eite pen thutah pana pieng i hi vua, i lungtang in eite ei mawsah sielin ama mai-ah i lung a nuomsahkia dingte i hi lam i thei ding uhi. Bangzieh ahei cile i lungtang sangin Pasien lienzaw a, ama in sil bangkim a thei hi. 21Ka itte aw, i lungtang in ei mawsah sih leh Pasien mai-ah eite in hanna i nei uhi. 22Eite in ama’ thupiehte zui-in ama lungkim nading i gamtat ziehin ama tung panin i nget popo i nga uhi. 23Ama’ thupiehna tami ahi hi. Ama’ tapa Jesu Khris’ min i up ding le ama’ ei sawlna bang lienin khatlekhat i ki it ding ahi hi.#Jhn 13:34; 15:12, 17 24Ama’ thupiehte a zui zosie ama sungah teng a, ama zong tua mite sungah a teng hi. Tuale eite sungah ama a ten lam pen ama’ ei pieh Hlagau tawh i theithei uhi.
Currently Selected:
1 JOHN 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
