စံးထီၣ်ပတြၢၤ. ၁၄၈
၁၄၈
1စံးထီၣ်ပတြၢၤယွၤတက့ၢ်. တၢ်အိၣ်လၢမူခိၣ်သ့ၣ်ဧၢ, စံးထီၣ်ပတြၢၤယွၤတက့ၢ်. တၢ်အိၣ်လၢ တၢ်ထီၣ်ထီ သ့ၣ်ဧၢ, စံးထီၣ်ပတြၢၤအီၤတက့ၢ်. 2အကလူးခဲလၢာ် သ့ၣ်ဧၢ, စံးထီၣ်ပတြၢၤအီၤတက့ၢ်. အသုးမုၢ်ဂီၤမုၢ်ခဲ လၢာ်သ့ၣ်ဧၢ, စံးထီၣ်ပတြၢၤအီၤတက့ၢ်. 3မုၢ်ဒီးလါ သ့ၣ်ဧၢ, စံးထီၣ်ပတြၢၤအီၤတက့ၢ်. တၢ်ကပီၤအဆၣ် ဧိၤဖီဧိၤခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်. 4မူ ခိၣ်အထီကတၢၢ်, ဒီးထံဧိၤနိဧိၤအိၣ်လၢမူခိၣ်အဖီခိၣ် သ့ၣ်ဧၢ, စံးထီၣ်ပတြၢၤအီၤတက့ၢ်. 5မ်အစံးထီၣ်ပ တြၢၤယွၤအမံၤတက့ၢ်. အဂ့ၢ်ဒ်အံၤ, မၤလိာ်ဝဲ, ဒီးအ ဝဲသ့ၣ်ကဲထီၣ်လီၤ. 6ဒီးမၤဂၢၢ်မၤကျၢၤအီၤလီၤစိၤလီၤ ထီ, ပာ်လီၤတၢ်မၤလိာ်လၢ ပှၤတလုၣ်သ့ၣ်ခါပတာ် ဘၣ်ဝဲဘၣ်.
7မ်တၢ်စံးထီၣ်ပတြၢၤယွၤလၢဟီၣ်ခိၣ်တက့ၢ်. ပယိၤ ဒီးကယဲၢ်ထံယိာ်ပူၤ, 8မ့ၣ်အူဒီးသူၣ်, မူခိၣ်ဖီဒီးတၢ်အ ဘှ့ၣ်, ကလံၤမုၢ်လၢအမၤဖဲဒၣ်အတၢ်မၤလိာ်, 9ကစၢၢ် ကလိဒီးကယဲၢ်တၢ်စိခိၣ်, သ့ၣ်လၢအသၣ်ထီၣ်ဒီးက ယဲၢ်သ့ၣ်ဆှိအ့ရ့း 10ဆၣ်ဖိကီၢ်ဖိအမံၤဒီး ဆၣ်ဖိကီၢ်ဖိအ ဒၢ, တၢ်လၢအစွါဒီးထိၣ်လၢအယူၤ, 11ဟီၣ်ခိၣ်အစီၤပၤ ဒီးပှၤအကလုာ်ခဲလၢာ်, ပဒိၣ်ဖးဒိၣ်ဒီးဟီၣ်ခိၣ်အပှၤစံၣ် ညီၣ်ကွီၢ်, 12ပှၤဖိၣ်သၣ်ခွါဒီးပှၤမုၣ်ကနီၤ, ပှၤသးပှၢ်ဒီး ပှၤဖိသၣ်သ့ၣ်တဖၣ်မုန့ၣ်, 13မ်အစံးထီၣ်ပတြၢၤယွၤအ မံၤတက့ၢ်. အဂ့ၢ်ဒ်အံၤ, တၢ်ပာ်ထီၣ်ထီထဲအဝဲဒၣ်အ မံၤဧိၤန့ၣ်လီၤ. အလၤကပီၤအိၣ်ဝဲလၢ မူခိၣ်ဒီးဟီၣ်ခိၣ် အဖီခိၣ်လီၤ. စံးထီၣ်ပတြၢၤယွၤတက့ၢ်.
14ဒီးပာ်ဝဲလၢအပှၤဂီၢ်မုၢ်အနၢၤလၢတၢ်ထီၣ်ထီ, ပှၤစီဆှံ ခဲလၢာ်အတၢ်စံးထီၣ်ပတြၢၤ, ပှၤအံၣ်စရ့လးဖိ, ပှၤတ ကလုာ်အိၣ်ဘူးဒီးအီၤလီၤ.စံးထီၣ်ပတြၢၤယွၤတက့ၢ်.
Currently Selected:
စံးထီၣ်ပတြၢၤ. ၁၄၈: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.