စံးထီၣ်ပတြၢၤ. ၁၄၇
၁၄၇
1စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, သးဝံၣ်ပက စၢ်န့ၣ်မ့ၢ်အဂ့ၤလီၤ. မ့ၢ်အမုာ်ဝဲအဂ့ၢ်လီၤ. တၢ်စံးထီၣ် ပတြၢၤန့ၣ်မ့ၢ်အဂ့ၤအဘၣ်လီၤ.
2ယွၤမၤထီၣ်ယရူၤၡလ့ၣ်, ဒုးအိၣ်ဖှိၣ်ရိဖှိၣ်အံၣ်စရ့လး အပှၤဘၣ်တၢ်ဟီထီၣ်ကွံာ်အီၤလီၤ. 3အဝဲဒၣ်မၤဘျါ က့ၤပှၤအသူၣ်ကၢ်အသးလီၤ, ဒီးဘိၣ်ထီၣ်အပူၤလီၢ်တ ဖၣ်လီၤ. 4စံၣ်တဲၤတဲလီၤဆၣ်ဧိၤဖီဧိၤအတၢ်ဂံၢ်, ဒီးကိး ဝဲအမံၤခဲလၢာ်လီၤ. 5ပကစၢ်န့ၣ်မ့ၢ်အဒိၣ်ဒီးအစိဒိၣ်အ ကမီၤအါမးလီၤ. ဒီးအသူၣ်ဆးအသးဆးန့ၣ် ပှၤဂံၢ် တဘၣ်ဘၣ်.
6ပှၤလၢအဆီၣ်လီၤအသးန့ၣ် ယွၤဝံၣ်ဆၢထၢၣ်အီၤ လီၤ. မ့မ့ၢ် ပှၤတတီတလိၤဘၣ်န့ၣ် ဆီၣ်လီၤဝဲလၢ ဟီၣ်ခိၣ်လီၤ.
7သးဝံၣ်ထီၣ်ယွၤအိၣ်ဒီးတၢ်စံးထီၣ်ပတြၢၤတက့ၢ်,သး ဝံၣ်ထီၣ်ပကစၢ်အိၣ်ဒီးတနၢ်တက့ၢ်. 8အဝဲဒၣ်မၤဘၢ မူကပိာ်လိၤလၢတၢ်အၢၣ်, ဒီးကတဲာ်ကတီၤတၢ်စူၤလၢ ဟီၣ်ခိၣ်အဂီၢ်, ဒီးဒုးမဲထီၣ် နီၣ်ဧိၤမံၤဧိၤလၢကစၢၢ်အ လိၤ, 9ဒီးဟ့ၣ်လီၤတၢ်အီၣ်လၢဆၣ်ဖိကီၢ်ဖိဒီးလၢစိးဝၣ် ဃးဖိလၢအကိးထီၣ်တၢ်လီၤ. 10တဘၣ်ဘၣ်အသးလၢ ကသ့ၣ်အဂံၢ်အဘါ, တအဲၣ်ဒိးဘၣ် ပှၤကညီအခီၣ် ဘၣ်. 11ယွၤအဲၣ်ဒိးပှၤလၢအပျံၤအီၤ, ပှၤလၢအကွၢ်လၢ် အဘျုးအဖှိၣ်အကျဲလီၤ.
12ယရူၤၡလ့ၣ်ဧၢ, သးဝံၣ်ထီၣ်ယွၤတက့ၢ်. စံယိၣ်ဧၢ, စံးထီၣ်ပတြၢၤနကစၢ်တက့ၢ်. 13အဂ့ၢ်ဒ်အံၤ, မၤဆူၣ် လံနတြဲၤအနီၣ်ဘိ, ဆိၣ်ဂ့ၤဆိၣ်ဝါလံနဖိနလံၤအိၣ်လၢ နပူၤလီၤ. 14ပာ်လီၤတၢ်ဃူတၢ်ဖိးလၢနကီၢ်အဃၢၤ,ဒုး ဘျဲးအီၣ်နၤလၢဘုလၢအဂ့ၤကတၢၢ်လီၤ. 15မၢအတၢ်မၤ လိာ်လဲၤတၢ်ဟီၣ်ခိၣ်ချၢ, အတၢ်ကတိၤဃ့ၢ်ဝဲချ့မးလီၤ.-
16ဟ့ၣ်လီၤမူခိၣ်ဖီဒ်သိအဆူၣ်အသိး, ဖှံလီၤနါဝာ်ဒ်ဖၣ် ဆါအသိးန့ၣ်လီၤ. 17တ့ၢ်လီၤအထံလီၤသကၤ ဒ်တၢ် တကူာ်တကူာ်အသိးန့ၣ်လီၤ. မ့ၢ်မတၤဆၢထၢၣ်လၢ အတၢ်ဂိၢ်အမဲာ်ညါသ့တဂၤလဲၣ်. 18မၢလီၤအတၢ်မၤ လိာ်, ဒီးမၤပှံၢ်လီၤအီၤ, ဒုးအူထီၣ်အကလံၤ, ဒီးထံ ယွၤဝဲလီၤ.
19ဒုးသ့ၣ်ညါစီၤယၤကိာ်လၢအကလုၢ်အကထါ, ဒီးအ တၢ်မၤလိာ်, ဒီးအတၢ်စံၣ်ညီၣ်တဖၣ် လၢအံၣ်စရ့လး လီၤ. 20တမၤဘၣ်ပှၤအကလုာ်ဒ်န့ၣ်နီတကလုာ်ဘၣ်. ဒီးအတၢ်စံၣ်ညီၣ်တၢ်တဖၣ်န့ၣ် အဝဲသ့ၣ်တသ့ၣ်ညါ ဘၣ်ဝဲဘၣ်.စံးထီၣ်ပတြၢၤယွၤတက့ၢ်.
Currently Selected:
စံးထီၣ်ပတြၢၤ. ၁၄၇: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.