စံးထီၣ်ပတြၢၤ. ၁၄၉
၁၄၉
1စံးထီၣ်ပတြၢၤယွၤတက့ၢ်. သးဝံၣ်ထီၣ်ယွၤလၢတၢ် သးဝံၣ်အသီ, ဒီးအတၢ်စံးထီၣ်ပတြၢၤလၢအပှၤစီဆှံအ တၢ်အိၣ်ဖှိၣ်အပူၤန့ၣ်တက့ၢ်. 2မ်အံၣ်စရ့လးသးခုလၢ ပှၤတ့လီၤအီၤအပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံ သးညီလၢအစီၤပၤအပူၤတက့ၢ်. 3မ်အစံးထီၣ်ပတြၢၤ အမံၤလၢတၢ်ဂဲၤကလံၣ်အပူၤတက့ၢ်. မ်အသးဝံၣ်ထီၣ် အီၤဒီးဒၢဖိဒီးတနၢ်တက့ၢ်. 4အဂ့ၢ်ဒ်အံၤ, ဘၣ်ယွၤအ သးလၢအပှၤဂီၢ်မုၢ်လီၤ. မၤဃံမၤလၤပှၤအသူၣ်စူၤအသး စူၤလၢတၢ်အုၣ်က့ၤခီၣ်က့ၤလီၤ.
5မ်ပှၤစီဆှံသူၣ်ပိၢ်သးဝး လၢတၢ်လၤကပီၤအပူၤ တ က့ၢ်. မ်အအုၣ်တၢ်လၢအလီၢ်မံအဖီခိၣ်တက့ၢ်. 6မ်ယွၤ အတၢ်စံးထီၣ်ပတြၢၤထီၣ်ထီ အိၣ်လၢအကိာ်ပူၤ, ဒီး နးလၢ အကနၣ်အ့ၣ်ဝဲခံခီလၢာ် အိၣ်လၢအစုပူၤတ က့ၢ်. 7ဒ်သိးအကမၤဆၢတၢ်အၢလၢပှၤကလုာ်တဖၣ်, ဒီးဟ့ၣ်လီၤတၢ်နးတၢ်ဖှီၣ်လၢပှၤဂီၢ်မုၢ်. 8ဒ်သိးအကစၢ ဃာ်အစီၤပၤလၢထးသွဲ, ဒီးအပဒိၣ်ဖးဒိၣ်လၢပျံၤထး,-
9ဒ်သိးအကမၤတၢ်စံၣ်ညီၣ်ကွဲးအသးလၢအဂီၢ်လီၤ. အ န့ၣ်မ့ၢ်တၢ်လၤကပီၤလၢအပှၤစီဆှံခဲလၢာ်အဂီၢ်လီၤ.စံးထီၣ်ပတြၢၤယွၤတက့ၢ်.
Currently Selected:
စံးထီၣ်ပတြၢၤ. ၁၄၉: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.