စံးထီၣ်ပတြၢၤ 142
142
တၢ်ထုကဖၣ်လၢတၢ်မၤစၢၤအဂီၢ်
1ယကိးထီၣ်ယွၤလၢတၢ်မၤစၢၤအဂီၢ်,
ယဃ့ကညးတၢ်ဒီးအီၤန့ၣ်လီၤ.
2ယလူလီၤယတၢ်ကအုကစွါလၢအမဲာ်ညါ,
ယတဲအီၤလၢယတၢ်ကီတၢ်ခဲ ခဲလၢာ်လီၤ.
3တုၤယသးလီၤဘှံးလီၤဘျါဒီးသးဟးဂီၤန့ၣ်,
အဝဲသ့ၣ်ညါယကဘၣ်မၤတၢ်မနုၤလဲၣ်န့ၣ်လီၤ.
လၢကျဲလၢယပိာ်အီၤအပူၤန့ၣ်, ယဒုၣ်ယဒါတဖၣ် ပာ်လီၤခူသူၣ်ထုလၢယဂီၢ်လီၤ.
4တုၤယကွၢ်တၢ်လၢယကပိာ်ကပၤန့ၣ်ဒီး
ယတထံၣ်န့ၢ်ဘၣ်ပှၤလၢကမၤစၢၤယၤနီတဂၤဘၣ်.
ပှၤမၤပူၤဖျဲးယၤတအိၣ်ဘၣ်.
ပှၤကွၢ်ထွဲယၤတအိၣ်ဘၣ်.
5ယွၤဧၢ, ယကိးထီၣ်နၤလၢတၢ်မၤစၢၤအဂီၢ်,
နဲဒၣ်ယွၤဧၢ, နမ့ၢ်ပှၤလၢအဒီဒၣ်အိၣ်ပှိၤယၤ,
နမ့ၢ်တၢ်ခဲလၢာ်လၢယဆၢဒိးန့ၢ်ဘၣ်အီၤလၢ
တၢ်အိၣ်မူအံၤအပူၤန့ၣ်လီၤ.
6ကနၣ်ယတၢ်ကိးထီၣ်လၢတၢ်မၤစၢၤအဂီၢ်တက့ၢ်.
အဂ့ၢ်ဒ်အံၤ, ယလီၤဒးကွံာ်လၢ
တၢ်သူၣ်ဟးဂီၤသးဟးဂီၤအပူၤလီၤ.
မၤပူၤဖျဲးယၤလၢယဒုၣ်ယဒါသ့ၣ်တဖၣ်တက့ၢ်.
အဝဲသ့ၣ်ဆူၣ်ကဲာ်ဆိးလၢယဂီၢ်န့ၣ်လီၤ.
7ဒုးထူၣ်ဖျဲးထီၣ်ယၤလၢ ယတၢ်ကိၢ်တၢ်ဂီၤအပူၤတက့ၢ်.
အန့ၣ်ဒီးယကစံးထီၣ်ပတြၢၤနၤမ့ၢ်လၢ
နတၢ်မၤဂ့ၤယၤအဃိ,
လၢနပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ. နကမၤဂ့ၤယၤလၢလၢပှဲၤပှဲၤလီၤ.
Currently Selected:
စံးထီၣ်ပတြၢၤ 142: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
