စံးထီၣ်ပတြၢၤ 141
141
မုၢ်ဟါအတၢ်ထုကဖၣ်
1ယွၤဧၢ, ယကိးထီၣ်နၤလီၤ.
မၤချ့ချ့လၢယဂီၢ်တက့ၢ်.
တုၤယကိးထီၣ်နၤဒီး, ကနၣ်ယကလုၢ်တက့ၢ်.
2မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ်
တၢ်ဆိၣ်ကဲၤနၢမူအသိးလၢနမဲာ်ညါ,
ဒီးယယူာ်ထီၣ်ယစုအံၤဒ်တၢ်လုၢ်လၢ
မုၢ်ဟါအသိးန့ၣ်တက့ၢ်.
3ယွၤဧၢ, ပာ်တၢ်ပၢၤလၢယထးခိၣ်
ဒီးပၢၤဃာ်ယနိးဖံးအတြဲၤတက့ၢ်.
4သုတဘိးဃၣ်ယသးဆူတၢ်အၢဒ်သိးယကလဲၤတၢ်
ဒီးပှၤမၤတၢ်အၢလၢအတၢ်မၤ
တၢ်အၢတၢ်သီအပူၤန့ၣ်တဂ့ၤ.
ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.
5မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ
တၢ်သးကညီၤအပူၤန့ၣ်တက့ၢ်.
မ်ပှၤအအၢအသီအသိအသုတဘၣ်တၢ်ဖှူအီၤလၢ
ယခိၣ်နီတဘျီတဂ့ၤ.
အဂ့ၢ်ဒ်အံၤ, ယထုကဖၣ်တၢ်ထီဒါ
အတၢ်အၢတၢ်သီတဘိယူၢ်ဃီန့ၣ်လီၤ.
6တုၤအပှၤပၢတၢ်တဖၣ်ဘၣ်တၢ်တ့ၢ်လီၤကွံာ်အီၤလၢ
လ့ကဘျၣ်တဖၣ်အလိၤ,
ဒီးပှၤဂီၢ်မုၢ်ကအၢၣ်လီၤလၢ
ယတၢ်ကတိၤတဖၣ်မ့ၢ်ဝဲတီဝဲန့ၣ်လီၤ.
7အဃံအကွဲလီၤပြံလီၤပြါလၢ တၢ်သွၣ်ခိၣ်အခိၣ်ထိး
ဒ်ပှၤထဲၣ်တၢ်တဂၤမၤလီၤကလဲ
ဟီၣ်ခိၣ်အသိးန့ၣ်လီၤ.
8မ့မ့ၢ်ယဲဒၣ်အံၤ, ယမဲာ်ကွၢ်စူၢ်တၢ်ဆူနအိၣ်
ယယွၤပၢဘၣ်တၢ်ခဲလၢာ်တဂၤဧၢ,
ယဃုတၢ်အိၣ်တဒၢလၢနပူၤလီၤ.
ဟ့ၣ်လီၤကွံာ်ယၤဆူတၢ်သံအပူၤတဂ့ၤ.
9ပၢၤယၤလၢပျံၤသကွီၤလၢပှၤပာ်လီၤလၢယဂီၢ်
ဒီးလၢပှၤမၤတၢ်အၢတဖၣ်အထုဝၣ်ခီန့ၣ်တက့ၢ်.
10မ်ပှၤအၢပှၤသီလီၤတဲာ်ကွံာ်ဆူအပျံၤသကွီၤဒၣ်ဝဲအပူၤ,
ဖဲယထူၣ်ဖျဲးန့ၣ်တက့ၢ်.
Currently Selected:
စံးထီၣ်ပတြၢၤ 141: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
