Leet de Leeda 8
8
1Oo, wieescht du mie aus een Brooda, dee de Brosten miene Mutta jesoagen! Wan ekj die buten jefungen haud, ekj wull die kussen; un maun wudd mie nich veachten. 2Ekj wudd die fieren, die nennbrinjen en daut Hus miene Mutta, du wurscht mie belieren; ekj wudd die drenkjen met Jewerzwien, met däm Sauft von miene Grenautapel.
3Siene Linkje es unja mienem Haupt, un siene Rajchte omfot mie.
4Ekj beschwia junt, Dajchta Jerusalem, daut jie nich wakje noch oppwakjen de Leew, bat daut äa jefelt!
5Wäa es dee, dee doa raufkjemt von de Wieste häa, sikj länt opp äarem Jeleewden? Unjrem Aupelboom ha ekj die jewakjt. Doa haft diene Mutta met die Wee jehaut, doa haft Wee jehaut, dee die jebuaren.
6Laj mie aus een Säajelrinkj aun dien Hoat, aus eenen Säajelrinkj aun dienen Oarm! Dan de Leew es jewaultsom aus de Doot, hoat aus de Scheol äa Iewa; äare Gluaje sent Fiaglooje, eene Flaum Jahs. 7Groote Wota vemäajen nich de Leew uttolaschen, un Streem äwaschwamen ar nich. Wan een Maun aulet Rikjtum ut sienem Hus om de Leew jäwen wull, maun wudd am blooss veachten.
8Wie haben eene Sesta, eene kjliene, dee noch kjeene Brosten haft; waut sell wie met onse Sesta doonen aun däm Dach, doa maun om äa woawen woat? 9Wan see eene Mia es, soo well wie eene Kroon von Selwa doabowen buen; un wan see eene Däa es, soo well wie ar met eenem Zeedabrat veschluten.
10Ekj sie eene Mia, un miene Brosten sent aus Torms; doa wort ekj en siene Uagen aus eene, dee Fräd finjt.
11Salomo haud eenen Wienboajch bie Baal-Hamon; hee äwajeef däm Wienboajch de Wajchtasch: Een jiedra sull fa siene Frucht 1000 Selwaschekel brinjen. 12Mien ieejna Wienboajch es ver mie; dee 1000 sent diene, Salomo, un 200 sent däm Wajchta siene Frucht.
13Bewonarin de Goades, de Frind horchen opp diene Stemm; lot mie dee hieren!
14Ran, mien Jeleewda, un sie aus eene Kos ooda een junga Hersch oppe Balsamboaj!
Currently Selected:
Leet de Leeda 8: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
