Leet de Leeda 6

1Wuahan es dien Jeleewda jegonen, du Baste unja de Frues? Wuahan haft dien Jeleewda sikj jedreit? Un wie wellen am met die sieekjen.

2Mien Jeleewda es en sienem Goaden noppjegonen, nom Balsam Goaden, om em Goaden too weiden un Lelje too plekjen. 3Ekj sie mienem Jeleewden siene; un mien Jeleewda es miena, dee unjre Lelje weid.

4Du best scheen, miene Frindin, aus Tirza, leeflich aus Jerusalem, furchtboa aus Kjrichsschoa. 5Drei diene Uagen von mie auf, dan see äwawaultjen (vewerren) mie. Dien Hoa es aus eene Häad Kose, dee aun däm Aunboaj von Gilead loagren; 6diene Tänen sent aus eene Häad Muttaschop, dee vom schwamen nohecht komen, dee aultomol Poakjes jebuaren, un kjeent unja an es onfruchtboa; 7aus eene Schnäd von eenen Granataupel es dien Schlop unja dienem Schleia. 860 sent de Kjennijine un 80 de Näbenfrues, un Junkfrues onen Zol. 9Eene es miene Duw, miene Vollkomne; see es de eensje äare Mutta, see es de Uterwälde von dee mie jebuaren haft. Dajchta seenen ar un lowen ar jlekjlich, Kjennijine un Näbenfrues, un see lowen ar.

10Wäa es see, dee doa raufkjikjt aus daut Morjenroot, scheen aus de Mon, rein aus de Sonn, furchtboa aus daut Kjrichshäa?

11En däm Nätgoaden jinkj ekj rauf, om de junge Plaunten vonne Läacht too beseenen, om to seenen, auf de Wienstock utjeloten haud, auf de Grenautapel blieejen. 12Onweetend sad miene Seel mie opp däm Prachtwoage von mienem adeljen (welljem) Volkj.

Currently Selected:

Leet de Leeda 6: PBJHF

Highlight

Copy

Compare