Leet de Leeda 3

1Opp mienem Loaga de Nacht socht ekj, däm miene Seel leeft: Ekj socht am un funk am nich. 2Ekj well doch oppstonen un enne Staut omhäa gonen, oppe Gaussen un oppe Plauz, well sieekjen, däm miene Seel leeft. Ekj socht am un funk am nich. 3Daut fungen mie de Wajchtasch, dee enne Staut omhäa gonen: Ha jie däm jeseenen, däm miene Seel leeft? 4Afens wia ekj aun an vebie, doa funk ekj, däm miene Seel leeft. Ekj hilt am faust un leet am nich loos, bat ekj am jebrocht haud en daut Hus miene Mutta un enne Schlopstow - dee mie jebuaren haft. 5Ekj beschwia junt, Dajchta Jerusalem, bie de wille Kose ooda bie de Herschkjäj vom Flekj, daut jie nich wakje noch oppwakjen de Leew, bat daut äa jefelt!

6Wäa es dee, dee doa von de Wieste raufkjemt aus een Ruakstenda, derchdrenjt von Mirren un Weiruak, von aulahaunt Jewerzen de Saulwmischa? 7Kjikj doa, Salomo sien Bad: 60 Helden runtom daut selje häa von de Helden Israels. 8See aula fieren daut Schwieet, sent jeeeft em Kaumf; een jiedra haft sien Schwieet aun siene Hoft, toom Schutz ver däm Schrakj enne Nacht.

9De Kjennich Salomo haft sikj een Prachtbad jemoakt von Holt vom Libanon. 10Siene Stendasch haft hee ut Selwa jemoakt, siene Län von Golt, siene Sett von Purpur; daut Bennaschte es konstvoll utjeneit, ut Leew, von de Dajchta Jerusalem. 11Komt rut, Dajchta Zion, un bekjikjt däm Kjennich Salomo met de (enne) Kroon, met dee siene Mutta am jekjreent haft aum Dach siene Kjast un aum Dach de Freid en sienem Hoaten!

Currently Selected:

Leet de Leeda 3: PBJHF

Highlight

Copy

Compare