Leet de Leeda 2
2
1Ekj sie eene Narziss (Lelje) von Scharon, eene Lelje vonne Läacht. 2Aus eene Lelje unja de Hachel, soo es miene Frindin unja de Dajchta.
3Aus een Aupelboom unja de Beem em Woolt, soo es mien Jeleewda unja de Säns; ekj ha mie met Freid en sienem Schauten jesat, un siene Frucht es mienem Mulbän seet. 4Hee haft mie em Wienhus jefieet, un siene Flag äwa mie es de Leew. 5Stoakjt mie met Kuaken von Druwen, treest mie met Appel, dan ekj sie krank fa Leew!
6Siene Linkje es unja mienem Haupt, un siene Rajchte fot mie om.
7Ekj beschwia junt, Dajchta Jerusalem, bie de wille Kos ooda bie de Herschkoo vom Flekj, daut jie nich wakje noch oppwakjen de Leew, bat daut äa jefelt!
8Horch! Mien Jeleewda! Kjikj, doa kjemt hee, sprinjent äwa de Boaj, hupst äwa de Aunboaj. 9Mien Jeleewda es aus eene wille Kos, ooda een junga Hersch. Kjikj, doa steit hee hinja onse Mia (Waunt), kjikjt derch de Fensta, kjikjt derch de Schprote. 10Mien Jeleewda auntwuad un säd to mie: Moak die reed, miene Frindin, miene Scheene, un komm! 11Dan kjikj, de Winta es vebie, de Räajen trock vebie, hee es wajch. 12De Bloomen komen opp em Launt, de Jesangtiet es jekomen, un de Stemm de Turtelduw lat sikj hieren en onsem Launt. 13De Fiejenboom brinjt siene Frucht, un de Wienstakj sent aum blieejen, jäwen Duft. Moak die opp, miene Frindin, miene Scheene, un komm! 14Miene Duw enne Boajklufte, em Vestäakj de Steenawenj, lot mie diene Jestault seenen, lot mie diene Stemm hieren; dan diene Stemm es seet un diene Jestault leeftolich.
15Jriept ons de Fass, de kjliene Fass, dee de Wiengoades vedoawen; dan onse Wiengoades sent aum blieejen! 16Mien Jeleewda es miena, un ekj sie siene, dee unjre Lelje weid. 17Bat de Dach aunbrakjt un de Schauten wajchranen, drei die, sie, mien Jeleewda, aus eene wille Kos ooda een junga Hersch oppe Boajklufte!
Currently Selected:
Leet de Leeda 2: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
