Psalm 98
98
1Een Psalm.
Sinjt däm Harn een nieet Leet! Dan hee haft Wunda jedonen; Radunk haft am siene Rajchte veschauft un sien heilja Oarm.
2De Har haft toweeten loten siene Radunk, ver de Uagen de Velkja jeopenboat siene Jerajchtichkjeit.
3Hee haft siene Jnod un siene Tru däm Hus Israel jedocht; aule Enj de Ieed ha de Radunk von onsem Gott jeseenen.
4Jubelt däm Harn, de gaunze Ieed! Bräakjt en Jubel ut un sinjt Psalmen!
5Sinjt Psalmen däm Harn met de Zitta, met de Zitta un de Stemm met Jesank!
6Met Trompeeten un däm Schaul de Posaun jubelt ver däm Kjennich, däm Harn!
7Daut Mäa ruzht un aules waut doabennen es, de Ieedkjreis un dee doabowen wonen!
8Muchten de Streem enne Henj klautsche, muchten de Boaj aula toop jublen - 9ver däm Har! Dan hee kjemt, de Ieed too rechten: Hee woat däm Ieedkjreis rechten en Jerajchtichkjeit, un de Velkja met Rajcht rechten.
Currently Selected:
Psalm 98: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
