Psalm 97
97
1De Har rejieet. Daut freit sikj de Ieed, daut freien sikj väle Inslen!
2Wolkjen un Dunkel sent om am häa; Jerajchtichkjeit un Jerecht sent de Gruntfausten von sienem Troon.
3Fia jeit ver am häa un vebrent siene Fiend runtom.
4Siene Blitzen bedachten däm Ieedkjreis: De Ieed sach daut un scheddad.
5De Boaj veschmelten aus Waus, ver däm Harn, ver däm Harn de gaunze Ieed.
6De Himmel vekjindijden siene Jerajchtichkjeit, un aule Velkja sagen siene Harlichkjeit.
7Muchten beschämt woaren aule Deena de Bilda, dee de Jetzen sikj riemen; fault ver am dol, jie aule Jetta! {Ps.8,6}
8Zion hieed daut un freid sikj, un de Dajchta von Juda freiden sikj, wäajen diene Jerechten, Har.
9Dan du, Har, best de Hechsta äwa de gaunze Ieed; du best sea erhowen äwa aule Jetta.
10Dee jie däm Harn leewen, haust daut Beese! Hee bewoat de Seelen von siene Fromme; ut de Haunt de Gottloose rad hee an.
11Licht es däm Jerajchten jeseit, un Freid dän von Hoaten Opprechtjen.
12Freit junt, jie Jerajchte, en däm Harn, un dankt sien heiljet Jedajchnis.
Currently Selected:
Psalm 97: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
