Psalm 99
99
1De Har rejieet: Doa zetren de Velkja; hee troont tweschen dee Cherubim: De Ieed wankt.
2Groot es de Har en Zion, un huach es hee äwa aule Velkja.
3Lowen sellen see dienen Nomen, däm groote un ferchtboaren, heilich es hee, - 4un de Kjennichskrauft, dee daut Rajcht leeft! Du stalst de Opprechtichkjeit faust, du eewst Rajcht un Jerajchtichkjeit en Jakob.
5Erhäwt däm Harn, onsem Gott, un fault dol ver de Footbenkj, siene Feet! Heilich es hee.
6Moses un Aaron unja siene Priesta, un Samuel unja dän, dee sienen Nomen aunroopen, roopten toom Harn, un hee auntwuad an.
7Em Wolkjestenda räd hee to an; see bewoaden siene Zeijnise un de Sazunk, dee hee an jeef.
8Har, ons Gott, du hast an jeauntwuat! Een vejäwenda Gott (El) wieescht du an, un een racheewenda (strofenda) äare Doten.
9Erhäwt däm Harn, onsem Gott, un fault dol aun sienem heiljen Boaj! Dan heilich es de Har, ons Gott.
Currently Selected:
Psalm 99: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
