Psalm 96
96
1Sinjt däm Harn een nieet Leet, sinjt däm Harn, aule Welt!
2Sinjt däm Harn, loft sienem Nomen, vekjindicht von Dach too Dach siene Radunk!
3Vetalt unja Nazionen siene Harlichkjeit, unja aule Velkja siene Wunda!
4Dan de Har es groot un sea too lowen, furchtboa es hee äwa aule Jetta.
5Dan aule Jetta de Velkja sent Jetzen, oba de Har haft dee Himmel jemoakt.
6Majestät un Pracht sent ver sienem Aunjesecht, Macht un Harlichkjeit en sienem Heilichtum.
7Jeft däm Harn, jie Velkjastam, jeft däm Harn Iea un Macht!
8Jeft däm Harn de Harlichkjeit (Iea) sienem Nomen; brinjt eene Opfagow un komt en siene Väahäw!
9Bät däm Harn aun en heilja Pracht! Zettat ver am, de gaunze Ieed!
10Sajcht unja de Nazionen: De Har rejieet! Uk de Ieedkjreis steit faust, hee woat nich wanken. Hee woat de Velkja rechten en Jerajchtichkjeit.
11Daut freit sikj de Himmel, un de Ieed freit sikj! Daut ruzht daut Mäa un aules waut doabennen es!
12Daut freien sikj de Felda un aules, waut doabowen es! Dan woaren jublen aule Beem em Woolt - 13ver Gott; dan hee kjemt, dan hee kjemt, de Ieed too rechten: Hee woat däm Ieedkjreis rechten en Jerajchtichkjeit, un de Velkja en siene Tru.
Currently Selected:
Psalm 96: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
