Psalm 85
85
1Däm Väasenja. Von de Säns Korah. Een Psalm.
2Har, du hast dienem Launt Jnod erwäsen, hast Jakob siene Jefangenschoft jedreit; 3du hast de Ojjerajchtichkjeit von dienem Volkj vezeit, aule äare Sinden hast du toojedakjt. (Sela)
4Du hast aul dien Oaja trigj jetrocken, hast die aufjedreit von dienem jläjendem Oaja.
5Brinj ons trigj, Gott, ons Heil, un moak dienem Onwellen jäajen ons een Enj!
6West du die eewich jäajen ons oajren? West du dienen Oaja sennen loten von Jeschlajcht too Jeschlajcht?
7West du ons nich wada beläwen, daut dien Volkj sikj en die freien kaun?
8Lot ons, Har, dien Goodet seenen, un dien Heil schenkj ons!
9Hieren well ekj, waut Gott (El), de Har, räden woat; dan Fräd woat hee räden too sienem Volkj un to siene Fromme, - blooss daut see nich no de Noaheit trigjgonen!
10Jewess, dicht bie es sien Heil (Help) dän, dee am ferchten, doamet de Harlichkjeit en onsem Launt wont.
11Jnod un Woarheit sent sikj bejäajent, Jerajchtichkjeit un Fräd ha sikj jekusst.
12Woarheit woat waussen ute Ieed, un Jerajchtichkjeit vom Himmel raufkjikjen.
13Uk de Har woat daut goode jäwen, un ons Launt woat siene Arnt jäwen.
14De Jerajchtichkjeit woat ver am omhäa gonen un äare Schräd too siene Wäaj moaken.
Currently Selected:
Psalm 85: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
