Psalm 84
84
1Däm Väasenja. Opp de Gittith. Von de Säns Korah. Een Psalm.
2Woo leeftolich sent diene Woninj, Gott de Häaschoa!
3Miene Seel velangt un bangt sikj no de Väahäw Gottes; mien Hoat un mien Fleesch roopen lud nom läwendjen Gott.
4Soogoa de Spoalinkj haft een Hus jefungen, un de Schwaulm een Nast fa sikj, woa see äare Junge hanlajt; diene Aultoaren, Gott de Häaschoa, mien Kjennich un mien Gott!
5Jlekjseelich, dee doa en dienem Hus wonen! Dee woaren die emma lowen. (Sela)
6Jlekjseelich de Mensch, däm siene Krauft en die es, en dee äare Hoaten jebonte Wäaj sent!
7Wan see derch de Tronenläacht (Jaumaläacht) gonen, moaken see daut to eenem Uat de Kjwal; jo, met Säajnungen bedakjt daut de tiedja Räajen.
8See gonen von Krauft too Krauft; see komen (erschienen) ver Gott en Zion.
9Har, Gott de Häaschoa, hia mien Jebäd; nemm too Uaren, du Jakob sien Gott! (Sela)
10Du, ons Schilt, kjikj, oo Gott; un kjikj aun daut Aunjesecht von dienem Jesaulwden!
11Dan een Dach en diene Väahäw es bäta aus sest 1000; ekj well leewa aun de Schwal stonen em Hus von mienem Gott, aus wonen enne Zelten de Gottloose.
12Dan de Har, Gott, es Sonn un Schilt; Jnod un Harlichkjeit woat de Har jäwen, dän nuscht Goodet trigj hoolen, dee en Reinheit waundlen.
13Dee Gott de Häaschoa! Jlekjseelich dee Mensch, dee opp die vetrut!
Currently Selected:
Psalm 84: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
