Psalm 83
83
1Een Psalmleet. Von Asaf.
2Gott, sie nich stell; vestomm nich un sie nich stell, oo Gott (El)!
3Dan kjikj, diene Fiend tooben, un diene Haussa häwen daut Haupt.
4Jäajen dien Volkj moaken see lestje Aunschläaj, un beroden sikj jäajen diene Schutzlinje.
5See säden: Komt un lot ons an vetiljen, daut see kjeen Volkj mea sent, daut de Nomen Israel nich mea jedocht woat!
6Dan see ha sikj met eenmootjem (eenem Senn em) Hoaten beroden, see ha eenen Bunt jäajen die jemoakt; 7de Zelten Edoms un de Ismaelita, Moabita un de Hagarita, 8Gabal un Amon un Amalek, Filista met de Bewona von Tierus; 9uk Assur haft sikj an aunjeschloten; see sent to eenem Oarm fa de Säns Loot jeworden. (Sela)
10Doo an aus Midian, aus Sisera, aus Jabin aum Bach Kison; 11dee venicht worden en En-Dor, dee fa daut Launt toom Dinjmeddel worden!
12Moak an, äare Adelje, aus Oreb un aus Seeb, aus Sebach un aus Zalmunna aule äare Harscha!
13Wiels see jesajcht ha: Lot ons de Woninj Gottes aus Ieejentum nämen!
14Mien Gott, moak an to eenem Kjriesel von Stoff, aus Stoppel verem Wint!
15Aus Fia däm Woolt vebrent, un aus eene Flaum de Boaj aunstekjt, 16soo vefolj an met dienem Wada, un met dienem Stormwint enjst an wajch!
17Fell äa Aunjesecht met Schaund, doamet see dienen Nomen sieekjen, oo Har!
18Lot an fa emma beschämt un wajchjejoacht woaren, un met Schaund bedakjt woaren un omkomen, 19un erkjanen, daut du auleen, däm sien Nomen Har es, de Hechsta best äwa de gaunze Ieed!
Currently Selected:
Psalm 83: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
