Psalm 8
8
1Däm Väasenja, opp de Gittith. Een Psalm von David.
2Gott, ons Har, woo Harlich es dien Nomen opp de gaunze Ieed, dee du diene Majestät jestalt hast äwa de Himmel!
3Ut däm Mul de Kjinja un Brostkjinja hast du Macht (Loff) jejrindet om diene Bedrenja wellen, om toom stellsennen to brinjen däm Fiend un däm Rachejiejen.
4Wan ekj dienen Himmel aunkjikj, diene Finja Woakj, dän Mon un de Stierns, dee du jemoakt hast:
5Waut es de Mensch, daut du aun am denkjst, un de Menschensän, daut du opp am achst?
6Dan du hast am een bat läaja unja de Enjel jesat; un met Iea (Harlichkjeit) un Schmuck (Pracht) hast du am jekjreent.
7Du hast am toom Harscha jemoakt äwa de Woakjen diene Henj; aules hast du unja siene Feet jestalt:
8Schop un Rinda aula toop un uk de Tieren oppe Stap,
9de Väajel em Himmel un de Fesch em Mäa, waut de Wäaj em Mäa derchwaundat.
10Gott, ons Har, woo Harlich es dien Nomen opp de gaunze Ieed!
Currently Selected:
Psalm 8: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
